Ешко Тешко - Александар Кујунџиски

Непознат посетител остава нешто пред влезната порта од куќата на фамилијата Ешковци и тивко си заминува. Таткото излегува надвор и наоѓа писменце и кошничка, а во неа – еже. Мало, најмало што може да биде. Новороденче. Потоа набрзина го чита напишаното. Мајката на ежето со тешко срце го остава своето еже на згрижување во прекрасната и угледна фамилија. Каде шест, таму и седум устиња за прехранување, вели таа. Но дали ќе биде така? Дали сè потоа ќе се одвива онака како што посакува мајката на ежето посвојче? Како ќе го прифатат братчињата и сестричките? И дали името што ќе го добие ќе го води Ешко Тешко со лесно или со тешко низ животот?