Антолог Ана Каренина, том 2 - Лав Н. Толстој

„Ана Каренина“ е едно од најзначајните дела од светската книжевност, приказна за забранетата љубов на мажена жена од високото друштво и млад офицер, поради која таа му се спротивставила на општествениот морал и на својата совест.

Во вториот том Ана го напушта Каренин и живее со Вронски во Италија, но по враќањето во Русија чувствува сè поголема оддалеченост и љубомора. Нејзината врска со Вронски се влошува и таа станува очајна и отфрлена од општеството. Левин и Кити се венчаваат, прифаќајќи ги животните предизвици. Левин, и покрај духовните дилеми, наоѓа внатрешен мир преку верата и семејниот живот.

Низ испреплетена приказна на неколку среќни и несреќни семејства, Толстој ни раскажува за најсуптилните пориви на човековата душа и се чини дека во овој роман тој ги сфаќа луѓето многу подобро отколку што тие самите можат да се сфатат себеси.