Правосмукалки

Огромен избор на правосмукалки достапни онлајн

Во нашата онлајн продавница ќе ги најдете следните модели на правосмукалки:

• Професионални правосмукалки кои имаат моќен мотор што може да вшмукува и течности и цврсти материи. Овие модели се многу издржливи и се идеални за чистење на големи површини.
• Правосмукалки за пепел кои се долготрајни, издржливи и дизајнирани за собирање на нечистотија од печки, камини, скари и слично. Идеални за чистење на пепел и жар.
• Правосмукалки на вода кои користат вода за да ја заробат прашината и останатите нечистотии. Тие се добри и за прочистување на воздухот во просторијата.
• Автомобилски правосмукалки се наменети за чистење на внатрешноста на автомобилот. Тие имаат компактен дизајн, па ќе можете да ги исчистите и најнедостапните места.
• Робот правосмукалки - совршени за личности кои немаат време, ретко се дома и сакаат да го поедностават процесот на одржување на дом. Модерните роботски правосмукалки работата ја завршуваат сами, а на вас останува само повремено чистење на насобраниот материјал.

Како да ја одберете вистинската правосмукалка?

Kога станува збор за избор на правосмукалка, најважно е да ги разгледате функциите на различните модели и да се одлучите која одговара на вашите потреби. Некој ќе се одлучи за професионална правосмукалка со моќен мотор, додека на некој му е важно прочистувањето на воздухот во просторот па ќе избере правосмукалка на вода. Некои бараат рачна правосмукалка, а некои робот правосмукалка.

Важно при изборот е да го земете предвид типот на под во вашиот дом. Ако имате теписи, тогаш ви треба модел кој има голема моќ на вшмукување, а доколку имате дрвен под, важно е да одберете модел со рамна површина со што ќе спречите гребење. Одберете правосмукалка со дополнителни алатки, како што се елементи за пукнатини, четки за тапацир и продолжени стапчиња кои ќе ви го олеснат чистењето на недостапните места.

Кои се предностите и негативностите на различните типови?

Сигурно ја имате слушнато поговорката „колку пари, толку музика“. Оваа реченица важи речиси за секој производ кој го набавувате, но кога се работи за правосмукалките, таа дефинитивно има голема вистина.

Ги споменавме професионалните, односно повеќенаменските правосмукалки. Тие се со највисока цена, но перформансите кои ги имаат и опциите кои ги нудат ќе ви овозможат да имате дом без ниту една дамка. Покрај нивната моќ и способност да чистат многу повеќе од прав на вашите подови, тие се вистински придружници во одржувањето на домот.

Правосмукалките кои вообичаено се користат во домот се делат генерално на правосмукалки со кеса и правосмукалки со сад. Иако има повеќе различни варијанти, овие две категории се често застапени. Ваквите правосмукалки се во рамки на можностите на македонските домаќинства, но и тие меѓусебно може да се разликуваат.

На пример, оние со кеса се поевтини и поедноставни за работа, додека тие со сад нудат одлична заштита од вируси и бактерии бидејќи всмуканиот материјал го складираат во вода и без можност да се разлета назад во собата.

Конечно, правосмукалките за пепел или за во автомобил се наменети стриктно за овие потреби. Со едните се чисти пепелта од печките за греење и ќумбињата, додека со оние за автомобил се чисти внатрешноста на автомобилот. Првите имаат специјализирани филтри кои ја задржуваат пепелта, додека вторите се флексибилни, компактни и лесни за користење, но не нудат голема усисна моќ.

Како се усисува правилно?

Иако усисувањето на домот делува како прилично едноставна задача, што несомнено е, многу луѓе сепак прават грешки кои не се ни свесни дека ги прават. Еве неколку нешта кои секој треба да ги знае кога сака да биде сигурен дека домот ќе свети по усисувањето:

1. Направете рутина и бидете редовни

Ако чекате до моментот кога теписонот личи како да е време да усисувате, значи дека чекате премногу. Поставете рутина. Направете план. Секоја недела во одредено време - правосмукалката треба да го помине целиот стан. Така никогаш нема да забележите дека е валкано.

2. Не брзајте при усисувањето

Многумина грешат при правењето на потезите кога смукаат. Пребрзото движење, колку и да е моќна правосмукалката може да не се доволно за да ја завршат работата. Не брзајте. Со внимателни и одмерени движења покријте го целиот простор и ќе бидете сигурни дека просторијата е чиста.

3. Почнете од аглите на собата, а задржете се на средината

Започнете од аглите и движете се кон средината. Аглите на собата се местата каде прашината најмногу се собира, но средишните делови, односно местата каде има најмногу движење имаат ситни делчиња кои се видливи, како и остатоци од чевли и слично. Посветете повеќе внимание на фреквентните делови.

4. Чистете ја правосмукалката редовно

Редовното чистење на содржината од правосмукалката помага за нејзина правилна работа. Колку повеќе го одложувате ова задолжение, толку послабо машината ќе работи. Усисната моќ ќе се намалува и сè потешко ќе го одржите домот како што сакате да биде. Затоа чистете ја навремено.

Обновете го вашиот дом со продуктите на Ананас

На Ананас ќе откриете многу корисни и практични продукти со кои ќе можете да го олесните чистењето. Освен правосмукалки, кај нас ќе најдете и џогери, метли и средства за чистење на сите површини во домот. Доколку сакате да го обновите домот, ние имаме огромна понуда на уреди за домаќинство како ладилници, шпорети, машини за перење, клими.

Нема да морате да се грижите како ќе го пренесете уредот до вашиот дом, ние ќе го направиме тоа за вас и тоа бесплатно. Во случај да не сте задоволни од изборот, може да го замените производот.

Не заборавајте да нѐ заследите на социјалните мрежи. Имаме редовни акции со попусти кои не би сакале да ги пропуштите.