Како да го запреш времето

Том Хазард штотуку се врати во Лондон за да се вдоми и да стане наставник по историја во основно училиште.Но, на првиот училишен ден запознава занесна наставничка по француски јазик која изгледа како да е фасцинирана од него. Сепак, Том крие опасна тајна. Тој можеби изгледа како 41-годишник, ама поради ретката состојба од која страда тој е жив…со векови. Настапувал со Шекспир, истражувал на отворени мориња со капетанКук и делел коктели со Фицџералд. Сега мечтае само за обичен живот. Но, за жал, огранизацијата „ Албатрос “, тајното друштво што ги штити луѓето како него, има едно правило: никогаш да не се вљубат. И додека болните сеќавања од неговото минато и непредвидливото однесување на внимателниот водач на друштвото се закануваат да му го уништат животот и сета романтика, единственото нешто што не смее да го има може да го спаси. И Том ќе мора еднаш засекогаш да реши дали ќе остане во минатото или, на крај, ќе почне да живее во сегашноста.
Роман за една љубов низ вековите, и за вековите, но и за човекот загубен во времето. Роман за загубата и за пронаоѓањето на самите себе и за животите кои можеби е потребно да ги одживееме за да научиме како да живееме.