Низ Страниците на Лектирата - Ii Одделение

(активности за обработка на лектира за второ одделение) Драги ученици, Честитки! Веќе сте второ одделение. Лектирата е одбрана книга за деца. Во нејзино друштво ќе поминувате убави и интересни мигови. Со книгата ќе другарувате, убави мигови ќе поминувате и ќе ја разбудите детската фантазија. Лектирата е вашиот најдобар другар и другарувајте со неа за да стекнете нови знаења. Со читањето лектири ќе развивате вештина за брзо читање и ќе го збогатите речникот на изразување со нови зборови. Лектирите ќе ја разбудат вашата фантазија, ќе ви овозможат да се запознаете со многу нови и интересни ликови. Читањето лектири ќе ви помогне да градите нови знаења, да ги почитувате различностите и ќе ве подготви за иднината. За да ви бидат поинтересни часовите по лектира, ви подготвив интересни и креативни активности. Ви посакувам незаборавно патување низ страниците на лектирите. Авторката