Низ Страниците на Лектирата - Iii Одделение

Драги ученици, Веќе сте во трето одделение. Лектирата е одбрана книга за деца која ќе ја разбуди вашата љубопитност и во нејзино друштво ќе поминувате убави и креативни мигови. Лектирата е вашиот најдобар другар и другарувајте со неа за да стекнете нови знаења. Со читањето лектири ќе развивате вештина за брзо читање и ќе го збогатите речникот на изразување со нови зборови. Лектирите ќе ја разбудат вашата фантазијата, ќе ви овозможат да се запознаете со многу нови и интересни ликови. Читањето лектири ќе ви помогне да градите нови знаења, да ги почитувате различностите и ќе ве подготви за иднината. За да ви бидат позабавни часовите по лектира, ви подготвивме интересни и креативни активности. Ви посакуваме незаборавно патување низ страниците на лектирите.