Глуварчето се користи како храна - во салати
и во супи. Неговиот корен, слично на
цикоријата, печен и мелен, се користи како
замена за кафе. Најчесто се употребува како
декокт или како чај, приготвен од сувиот корен
или од листовите на билката. Коренот и
надземниот дел поседуваат диуретично
дејство и ја зголемуваат продукцијата на
урина. Германската комисија „Е“ коренот и
надземниот дел на глуварчето ги препорачува
за подобрување на апетитот и при
нарушувања на жолчните патишта и на
органите за варење.