Шарени Приказни

Автор - Ана Бунтеска „Шарени приказни“ е збирка раскази за деца од Ана Бунтеска – една од најпопуларните и најчитаните авторки кај нас. Како што кажува и самиот наслов, во оваа збирка се собрани најразлични приказни од детското секојдневие: на училиште, дома, на улица, во природа... Пишувани според непосредните искуства на децата, темите и случките во расказите им се многу блиски и познати на современите младите читатели, па затоа тие често и се поистоветуваат со ликовите во нив, што ја прави оваа збирка вистински избор за секој вљубеник во книгата. За да бидат „Шарените приказни“ уште пошарени, придружени се и со прекрасни илустрации во боја кои ги зголемуваат привлечноста и убавината на ова дело. „Шарени приказни“ е книга за децата, за родителите, за учениците, за наставниците, за старите и за младите, за сонувачите, за другарите и другарките...