Велинка - Маја Митровска

Велинка е обична девојка со необична животна приказна. Нејзината судбина на суров начин ќе ја одведе по патот на предците, за да спознае која е, од каде потекнува и како да чекори во животот. Страшната случка што ќе ја доживее едно попладне во тивката шума Шушумна ќе биде патоказ за нејзиното натамошно патешествие. Дали ќе ја стигнат клетвите од минатото? Дали доброто ќе го победи злото? Дали добрината може да ги спаси загубените души, а љубовта може да ги излекува раните? Патувањето низ оваа фантастична приказна отвора многу интересни прашања на кои одговорот ќе го дадете вие – читателите.