Доколку си во потрага по инспирација и/или идеја за како 2024 година да ја направиш незаборавна, тогаш си на право место, во право време. Време е да ја обновиш новогодишната декорација (секако, преку онлајн шопинг) со презентација на неколку корисни трикови кои ќе го направат твојот дом да личи како од бајка излезен.  

Не заборавај, убавината на празниците се крие во деталите, ā вистинското осветлување е клуч за магијата која го исполнува твоето омилено катче - домот.   

Нова Година, нов сјај - Нека заблеска твојот дом со новите бои на новогодишното осветлување 

Со секоја Нова Година, доаѓа и нов почеток, а новогодишното осветлување е одличен начин да го осветлиш новиот почеток и да создадеш добра основа за успешна и среќна 2024 година.  

Новогодишните дрва-лампи, кои светат во во различни бои, создаваат топол и светол амбиент, кој дефинитивно треба да одговара на твојот стил и на празничниот дух, секако достапни по крајно поволни онлајн цени.  

Изборот на бои е помеѓу неколку различни нијанси на бела и жолта светлина, но иако на прва личи дека изборот е лесен, сепак биди внимателен/на кога ќе ја бираш светлината, затоа што топлите тонови како златна и амбер боја даваат чувство на удобност и традиција, додека пак ладната бела и/или сина светлина носи со себе чувство на свежина и новитет. Како и да е, не се плаши да експериментираш, слободно искомбинирај топли сијалици со ладни сијалици, за динамичен и кул ефект.  

Исто така, не заборавај дека различните светлечки бои можат да нагласат разно-разни елементи на твојата декорација - на пример, жолтите светла убаво ја нагласуваат зелената елка, белите светла совршено ја надополнуваат белата елка и слично.  

П.С. Дури и бојата на каблите можеш да ги прилагодиш според амбиентот!  

Дали ти е домот како сцена од филмот “Сам Дома” - феноменално украсен со новогодишни лампиони надвор, ā и внатре? 

Периодот на празници е дел од годината кога секој од нас може да биде режисер на сопствената празнична сцена. Легендарните филмови како “Сам Дома” станаа синоним за празнични прослави, каде новогодишните лампиони не само што го украсуваат домот, туку и станаа симбол на празничниот дух кој сите нас не поврзува и сплотува.  

Тоа чувство кое го носи со себе новогодишното осветлување, можеш да го постигнеш и во твојот дом со малку креативност, желба и вистинскиот избор на декорација со онлајн шопинг од удобноста на твојот дом. Постојат голем број на опции како за екстериерно, така за интериерно украсување на твојот дом на ananas.mk.   

Ако си во куќа, тогаш имаш двојна работа - украсување на дворот, што може да го дополни целиот изглед на куќата да изгледа WOW и внатрешноста, за што говоревме погоре во текстот. 

Празничната магија започнува од дома - Стопли се по дома и уживај во новогодишното осветлување 

Додека околу тебе се случува празнична гужва, еуфорија и зимска атмосфера, твојот дом е лулка на мир и спокој, место на кое едвај чекаш да му се вратиш... директ во кревет, под ќебе. 

Покрај класичното декоративно новогодишно осветлување, тука се и свеќите и светлечките фигури кои одлично ја надополнуваат празничната магија. Распореди ги по маси, полици и прозори, како би го пополнил твојот домашен простор со топлина и љубов.   

Исто така, покрај визуелното доживување, не заборавај и на звучните елементи, како пуштање на омилениот артист/албум и неговите празнични теми, секако пуштени на најјако на твојот омилен звучник или пак пуштање звук на снег и крцкање на дрва во оган од твојот лаптоп.  

Од гранка на гранка - Украси ја елката со лампиони како професионалец 

Поставувањето на лампиони на елка може да биде вистинско уживање, ако знаеш некои основни правила и начини на поставување.  

Првиот чекор се однесува на проценка, т.е. да знаеш колку точно лампиони ти требаат. Секогаш е ОК да купиш малку поголема бројка од тоа што ти е потребно кога збориме за лампиони, затоа што секогаш постои ризик да се скрши лампион или лампиони при самото редење на новогодишната елка.  

Вториот чекор е да не ги мешаш ЛЕД лампионите со обичните лампиони, затоа што на ЛЕД лампионите им треба помал напон и ако се смешаат може да примат поголем напон од што им е потребен.