Саксии

Одличен избор на саксии за омиленото цвеќе и најздравите билки

Кога избирате саксии, потребно е да знаете каков материјал, форма и величина ви е потребна. Изборот на својства зависи од видот и големината на цвеќето или билката.

Најчест избор за садење цвеќе се пластичните саксии. Тие се значително полесни со мали отвори на дното наменети за истекување на вишокот вода. Речиси со сите модели има соодветна подлога.

Керамичките и саксиите од глина се потешки, но и одличен декор внатре во домот или на канцелариската работна маса. Тие се наменети за цвеќе на кое му одговара посува почва, па се идеални за вашите омилени кактуси.

Боите на производите може да ги усогласите ги и со ентериерот. Ако сакате поживи бои, одберете варијанта која се издвојува и вашата нова билка нема да остане незабележана.

Три препораки за садење цвеќиња во саксија

За разлика од градината и садењето директно во земја, садењето во саксии е различно. Доколку не сте сигурни како се прави, добро е да знаете кои трикови ги користат искусните градинари. Погледнете три важни препораки за да бидете успешни.

• Користете квалитетно ѓубриво

Покрај земјата која ќе ја ставите во саксијата, додадете и малку квалитетно ѓубриво. Иако зборот „ѓубриво“ можеби е застарен, бидејќи модерните состојки за поттикнување на растот на цвеќињата се прави со напредна технологија, многу е важно да го користите во вашите обиди да создадете прекрасни цвеќиња. Со помош на ѓубривото, цвеќињата и останатите растенија ќе бидат силни и витални.

• Одберете соодветна димензија на саксија

Големината на саксијата треба да биде соодветна на големината на растенијата кои ги засадувате. Ова е многу важно бидејќи мали растенија нема да изгледаат добро во големи саксии, но, поважно, големи растенија нема да преживеат во мала саксија. Правилото вели дека колку се разгранети над земјата, толку се големи и корењата под земјата, па обезбедете соодветна саксија.

• Дупките на дното се задолжителни

Нема да сте единствени ако помислите дека саксијата е расипана бидејќи има дупки на дното. Дупките се важни за водата да истекнува низ земјата, бидејќи ако се задржи предолго, земјата ќе стане неквалитетна и растенијата нема да напредуваат, па дури може и да овенат.

Најразлични форми и големини на саксии

Изборот на форма зависи и од големината на собата или терасата, па така може да сместите повеќе мали саксии на место каде просторот е ограничен, место поставување една голема саксија. Висечките модели се одличен избор за цвеќе со листови кои паѓаат надолу, а со нив истовремено може да го искористите просторот во висина.

Големината на садот се одредува според големината на растението. Тој треба да биде поголем од билката, односно треба да има простор коренот да расте. Не брзајте со најголемите величини кога билката е мала за развојот да се одвива постепено.

Од какви материјали се направени саксиите?

Сите типови на саксии ќе ја завршат задачата која им е дадена, односно ќе ја држат земјата во која се засадени растенијата. Сепак, нивниот изглед, издржливост и елеганција не се исти. Еве неколку најчесто користени материјали.

Керамички

Керамичките саксии се елегантни, ги има во различни бои и се одличен додаток за секој дом. Градинарите ги одбираат заради нивната убавина и можноста за декорација. Сепак, ваквите саксии се малку поскапи од останатите и лесно кршливи доколку се превртат од силниот ветер на терасата или во дворот.

Пластични

Пластичните модели се евтини, лесно преносливи и не се кршат лесно. Особено поквалитетната пластика може да издржи и сериозни удари. Сепак, ваквите саксии изгледаат непривлечно и често може да ја засенат убавината на цвеќето засадено во нив.

Дрвени

Доколку правите градина во дом кој има рустикален стил, тогаш дрвени саксии се идеалото решение. Ваквиот избор создава чувство на поврзаност со природата и нуди логичен спој меѓу растенијата и местото во кое што се засадени. Изгледаат прекрасно во дворот, но и во ентериерот на ваквиот дом.

Метални

Металните саксии се најиздржливите од сите. Тие може да бидат декорирани во различни бои и нудат разновидност во домот. Нивната лоша страна е што се исклучително тешки, па што поголема е саксијата, тоа потешко ќе ви биде да ракувате со неа. Одлично декорираните метални саксии може совршено да се вклопат во модерен дом.

Земјени

Земјена или глинена саксија, уште позната и како цреп во некои краишта од нашата земја, се саксии кои исто така нудат конзервативен и рустичен изглед на градината. Сепак, слично како и керамичките, и овие материјали се лесно кршливи, па мора да бидете внимателни кога ракувате со нив. Заштитете ги внимателно при неповолни временски услови или внесете ги внатре во домот.

Декоративни садови за цвеќе и билки достапни онлајн на Ананас

Најубавите декоративни садови за вашите билки се достапни на Ананас платформата по одлични цени. Тука може да најдете модели со соодветни бои, дезени, форми и големини со кои ќе ги разубавите вашите тераси и дворови. Сите производи се достапни за онлајн нарачки.

Купете од дома додека го планирате пролетниот распоред на билките. Одберете сè што ви е потребно, а ние ќе ви доставиме до вашата адреса. Имате можност и за замена на производот.