Ролерки

Забава и рекреација во едно

На Ананас ќе најдете ролерки и ролшуи во различни големини за возрасни и деца. Тие се популарни за сите генерации бидејќи чинот на лизгање на ролери носи чувство на радост. Возењето ролери носи возбуда, а непреченето движење по патеката со голема брзина носи чувство на слобода која им се допаѓа на сите оние кои сакаат да рекреираат на отворено, наместо да се затворат во теретаните и фитнес центрите.

Ролерите не бараат некаква посебна подготвеност, а кај нас ќе најдете модели и за почетници кои учат да балансираат на четири тркала, како и модели за оние кои се чувствуваат напредни и кои сакаат да изведуваат трикови и вртења.

Намалете го вишокот килограми со возење ролери

Возењето ролерки и ролшуи е многу добро за телото бидејќи вклучува различни мускули кои ја зголемуваат силата на долниот дел од телото. Тие, исто така, помагаат за подобрување на координацијата и издржливоста.

За ефикасно губење на тежината со лизгање на ролери, се препорачува да се возат ролери најмалку три до четири пати неделно по околу 30 до 60 минути. Времетраењето и интензитетот на возењето влијаат на трошењето на калориите, при што во просек се согоруваат 300 до 600 калории на час, во зависност од тоа колку брзо и вешто се вози. Редовното возење ролери е одличен кардиоваскуларен тренинг кој помага и во губење на вишокот килограми.

Како да се спречат повреди при возење со ролерки?

Ако сте почетник или возите ролерки од дете, но сепак сте заинтересирани како да спречите несакани повреди, еве неколку совети што можат да ви помогнат. Ролерките се супер за забава и рекреација, но ако не се возат правилно, лесно може да се случи некоја незгода. Како што викаат старите, „подобро да се спречи, отколку да се лечи“.

Избор на правилни ролерки

Не сите ролерки се исти, а моделот за кој ќе се одлучите ќе влијае многу на тоа дали често ќе паѓате со ролерките. Затоа, на Ананас ви нудиме ролери од докажани спортски брендови, како FILA и други, бидејќи купувањето „пазарски“ ролерки нема да ви се исплати ако скршите коленото или нешто друго.

Многу е важно да знаете дека почетници не треба да возат професионални модели кои нудат голема брзина или со кои може да имате агресивно возење. Најдобро е да изберете нешто удобно, нешто што ќе му дава стабилност на глуждот. Доколку сепак ве влечат брзи модели, со нив секогаш ќе можете да се опремите кога ќе станете вешти возачи.

Добри спортски чорапи

Ролерките сами по себе, дури и кога се од докажан бренд, не се гаранција за безбедност. Ако носите тенки чорапи или нешто што лесно прави меури, може да дојде до непријатност или плускавици. Затоа, треба да се обрне внимание и на тоа – да носите добри, дебели чорапи што ќе ги држат стапалата суви и удобни.

Најдобро е да се одлучите за спортски чорапи бидејќи тоа се модели кои се направени со намена да даваат поддршка на стапалата при активно движење.

Заштитната опрема не е само за аматери

Секој, без разлика колку е искусен, може да падне. Затоа, кацигата, штитниците за колена и лакти, како и ракавиците треба да се редовно со вас, бидејќи повредите кои може да настанат при брзо возење на ролерки може да ви предизвикаат поголеми проблеми од тоа што очекувате.

Кацигата и штитниците не се само „опрема“, туку ваша гаранција дека возењето ќе биде безбедно. Кацигата ја чува главата – дел од нашето тело за кој нема резервни делови. Штитниците? Тие се амортизери за рацете, лактите и колената. Без нив, секој пад значи модрици, рани, па дури и скршеници.

Ваш е изборот дали ќе носите опрема, но вистинските играчи секогаш играат паметно. На Ананас ќе најдете одлична опрема по многу ниски цени, достапна и за возрасни и за деца.

Возење на соодветни места

Ако патот е полн со дупки, камчиња или нерамнини, шансата за пад е огромна. Најдобро е да возите ролерки по мазни патеки, паркови или специјални површини наменети за ролерки.

Низ градовите во нашата земја мазните патеки за ролерки најчесто не се добро поврзани со останатите населби, а нема премногу такви површини, па најдобро е кога ќе дојдете до нерамни предели, или да ги симнете ролерките или да возите бавно и внимателно.

Со мерак, ама паметно

Ролерките се за уживање, но треба да се знае кога треба да се застане. Ако премногу се забрзате, особено без добра патека и без доволна контрола, тоа може да заврши лошо. Мала брзина, добра позиција на телото (свиткани колена, раце раширени) и поглед напред – тоа е формулата за опуштено возење.

Загревање пред возење

Пред да скокнете на ролерките, треба малку да ги истегнете мускулите. Кратко загревање ќе ви помогне да ги избегнете грчеви и повреди. Едноставни вежби за колената или кратка прошетка ќе биде доволно.

Правете паузи

Ако сте уморни или чувствувате дека координацијата ви попушта, најдобро е да запрете и да се одморите. Уморен возач е несигурен возач, а тоа води до незгоди. Исто така, не заборавајте да понесете шише со вода и да не дозволите дехидрираност на телото од заморот и потењето.

Нарачајте онлајн реквизити за спорт и рекреација во асортиманот на Ананас

На Ананас можете да се снабдите со голема понуда на реквизити за спорт и рекреација. Кај нас ќе најдете топки, ролерки, ролшуи, трамболини, скироли и уште многу производи со кои можете да се забавувате во слободното време со вашето семејство и пријателите.

Погледнете ја и нашата понуда на спортска облека која вклучува хеланки и маички со кои ќе направите идеални комбинации за возење на ролерки и ролшуи на кеј. Нарачајте онлајн со само неколку кликови на Ананас.