ТВ антени и рисивери

Различни видови на ТВ антени и ресивери за вашите потреби

Постојат повеќе видови на ТВ антени и ресивери достапни на Ананас. Што се однесува до антените, добро е да знаете дали ви е потребна пасивна или активна антена. Овие два типови се разликуваат по изворот на напојување. Првите се напојуваат од телевизорот или ресиверот, а вторите имаат појачувач.

Антените може да бидат и внатрешни, кои се поставуваат блиску до телевизорот и надворешни, кои се соодветни за монтажа на кров, прозор или балкон.

Кога станува збор за ресиверите од понудата, тие се погодни за телевизори без DVB-T2 приемник. Дигиталните ресивери се поврзани со глобалниот систем на емитувања, што ви овозможува да гледате дигитални ТВ канали преку вашиот телевизор.

Избор на вистинските производи и нивни дополнителни намени

Кога избирате антена, важно е да знаете на колкава оддалеченост од телевизорот ќе ја поставите. Нејзиниот квалитет е исто така важен за да добивате одлична слика и стабилен сигнал. Секоја антена може да има различен опсег на примени фреквенции.

Од погореспоменатите видови, најдобри се активните ТВ антени кои може да се постават на поголемо растојание, не дозволуваат пречки од ѕид или друг уред и може да праќа сигнал на повеќе телевизори.

Достапните сателитски ресивери се обично универзални и може да бидат компатибилни со повеќе видови на уреди. Може да ги поврзете со монитори, проектори, па дури и со старите аналогни модели на телевизори.

Важни работи кои треба да ги знаете кога одбирате?

Многумина не знаат дека аналогните приемници, односно аналогните канали повеќе не постојат. Она што некогаш значеше местење на антената на кровот од куќата и трагање по фреквенцијата на телевизорот, повеќе не постои, бидејќи повеќе од 10 години кај нас сите канали се дигитални.

Токму затоа, антената која ја имате мора да биде поврзана со дигитален ресивер кој потоа ќе биде поврзан со телевизорот. Голем број од новите модели на телевизори имаат вграден ресивер во себе, но доколку имате постар модел, може да ви треба специјален DVB-T2 ресивер.

Ваквата комбинација ќе ви овозможи да ги гледате локалните канали без да имате потреба од кабелски оператори, Телеком или А1 кои нудат дигитална и оптичка поврзаност.

Доколку сакате да имате телевизија во вашата викендица или некаде каде операторите не се достапни, тогаш ова решение е наједноставно изводливо. Сè што ви треба е антената и ресиверот за да може да ги гледате локалните програми - МТВ, Канал 5, Сител, Телма и останатите.

Што треба да знаете за популарните IPTV ресивери?

Многу популарни кај нас се IPTV ресиверите или народски уште познати како Android TV box. Ваквите ресивери со себе носат стотици, па и илјадници HDTV програми од целиот свет, нудат беспрекорна слика и многу други можности.

Сепак, доколку барате решение за некаде каде што нема можност за интернет, ќе мора да барате алтернативно решение, како користење на хотспот кој сами ќе го создадете преку телефон или таблет. Сепак, имајте на ум дека ова може да биде исклучително скапо бидејќи телевизијата троши многу интернет.

Телевизија преку сателит

Доколку не можете или не сакате да се занимавате со интернет, тогаш единствено останува да побарате телевизиски приклучок преку сателит. За тоа ќе ви биде потребно да обезбедите сателитска антена која може да ја поставите на кровот, на тераса или некаде каде што ќе може да биде насочена кон небото без пречки.

Потоа ви е потребен специјалниот DVB-S или DVB-S2 ресиверот кој се поврзува со антената преку коаксијален кабел. Од ресиверот може да се поврзете со телевизорот преку SCART или HMDI кабел и со ова ја завршувате подготовката за гледање сателитска телевизија и преминувате на сетирањето кое е различно во зависност од моделите кои сте ги одбрале.

Како да одберете која опција е идеална за вас?

Не постои такво нешто како идеална опција, бидејќи секој има различни побуравања и можности. Покрај техничките предизвици со кои може да се соочите, тука се и прашањата кои секој си ги поставува, од типот на: финансиска исплатливост, желба за голем број канали, квалитет на сликата и многу други нешта.

Доколку живеете во урбана средина, голема е веројатноста дека ќе одберете локални кабелски или IPTV провајдери, како што се Телеком или А1. Најголем број од граѓаните користат ваква опција, но доколку сакате голем број HDTV канали кои не се достапни преку веќе споменатите, тогаш ќе одберете Android box и ќе побарате поинакво решение.

Луѓето кои немаат пристап до интернет или локалните провајдери на ТВ програма, единственото решение го гледаат во сателитските антени и канали достапни на таков начин. Размислете што е најдобро за вас и обезбедете ја таа опција.

Најквалитетни производи од познати брендови со одлични цени достапни на Ананас

Во асортиманот на Ананас нудиме најразлични модели на антени и квалитетни ресивери со кои ќе добивате одличен сигнал и голем избор на канали. Располагаме со производи од реномирани брендови, па може да бидете сигурни дека одбраниот модел ќе го користите долго.

Тука може да нарачате по одлични цени кои се пониски во однос на другите продажни места. Истовремено, со онлајн нарачувањето ќе заштедите време и средства, кои инаку би ги потрошиле за да дојдете и купите од која било продавница во градот. Доставата е наша грижа.