„Најискрената прегратка“ - хуманитарна сликовница

Најискрената прегратка - хуманитарна сликовница

Детските желби се како ливада со безброј шарени цветови. Mеѓу желбите за играчки, велоспипед, топка и телефон - една тивка желба одекна посилно од сите. 
Сара не посака ништо што се купува, таа посака нешто што се чувствува - љубов и припаѓање, Сара посака семејство.

Волшебна сликовница за развој на инклузијата, емпатијата, почитта и искрената детска љубов. Оваа сликовница носи универзална порака и нема возрасни граници – топла приказна која потсетува дека најважните нешта се невидливи за очите, а се чувствуваат со срцето.

Сликовницата има хуманитарен карактер. Со купување на оваа сликовница помагате на децата без родителска грижа поддржани од СОС Детско село.