Дивеч На Трпезата

На почетоците на цивилизацијата, дивечот се јадел со диво овошје и зеленчук. Гледано низ историјата на човештвото, дивечот многу повеќе се приготвувал кај оние народи кои со нивната исхрана повеќе биле врзани за ловот. Месото од дивеч содржи многу малку мрснотии и има значително помала калориска вредност од питомото месо, бидејќи дивечот не се храни со концентрати и постојано е во движење. Месото од дивеч е извонреден извор на протеини, железо, селен и витамини од Б комплексот. Бидејќи е богато со висококвалитетни протеини, исхраната која се заснова на дивеч го поспешува здравиот имунолошки систем на човекот!