Филипова историја - Јустин

Делото што преку ракописната традиција стигнало до нас под насловот Јустинова Филипова историја или Филипова историја на Јустин (Iustini Historiae Philippicae) е скратена верзија или епитома на едно незачувано дело дело на римскиот историограф Гнај Помпеј Трог. Според одредени показатели од самиот текст, може да се заклучи дека насловот на делото на Трог бил Книга за Филиповата историја, почетоците на целиот свет и местата на земјата. Од текстот на Јустиновата епитома е извесно дека делото на Трог претставувало обемна универзална историја на целиот дотогаш познат свет, почнувајки од времето на Нин, митскиот крал на Асирија и основачот на нинива, па сѐ до времето на императорот Август.