Избрани драми 3 изд. -Горан Стефановски

Драмскиот автор, писател, драматург, професор, човекот Горан Стефановски, ни е повеќе од потребен токму во вакви (не)времиња, поради неговиот отворен дијалог со разнокултурието околу нас, поради неговиот нецензуриран монолог со себе и сопственото творештво, поради неговиот луциден, јасен, интелигентен јазик, поради вонредниот ракопис што ја зацврсти позицијата на македонската модерна драматика и ѝ ја отвори вратата на постмодерната.​Денес е одлично време повторно да се прочита Горан Стефановски. Овој драмски избор (Диво месо; Лет во место; Хај-фај; Дупло дно; Баханалии и Демонот од Дебар маало) и овој текст – Одблизу и отпосле, се обидува да му оддаде почит и да му даде љубов на авторот Горан Стефановски, но и да им предизвика интерес за неговите драми на новите генерации и читатели и актери и драмски автори и режисери, ученици и студенти, вљубеници во театарот.​