Ананас. Е-трговец број 1 во Северна Македонија.
#4 инспектор Виктор Николов
Вистината не е доволна самa по себе, таа е целосна само кога е споделена.
Четири години по теророт на „Одмаздникот“ низ скопските улици, животот на инспекторот Виктор Николов е пред своевиден крстопат. Фината семејна идила со сопругата и ќерката е нарушена од финансиски проблеми со кои се соочува семејството по завршувањето на корона-пандемијата.
При крајот на зимата 2024 година, скопскиот Оддел за крвни и сексуални деликти од гостиварската полиција презема случај на убиство на познат сексуален престапник и повремен уживател на наркотични средства. Наркоманот е пронајден застрелан во неговата соба во хотел на Мавровско Езеро. Единствената трага за полицијата е пронајдената чаура на местото на убиството.
На првиот ден од месец март, текот на истрагата и личните премрежиња на полицискиот инспектор доаѓаат во непосреден меѓусебен судир, резултирајќи во една опасна и тензична вечер, проследена со смртоносни последици.
