Мачката со Гладно Меше - Магдалена Хаи

Во една пуста земја мало девојче сретнува огромна мачка што постојано е гладна. Таа досега изела цела армија луѓе, неколку села, сите животни од една шума, рибите во морето и што уште не. Но дали лакомоста има крај? Бидејќи сега се заканува дека ќе го проголта и девојчето. Но тоа ѝ дава поинаква понуда. Да патуваат заедно низ земјата, сѐ додека не најдат нешто што би ја заситило. Шетајќи наидуваат само на суша, непогоди и луѓе што немаат што да јадат освен своите соништа. Што е тоа што се наоѓа во мешето на мачката, што ја направило толку гладна? И дали храброто девојче ќе излезе накрај со алчноста пред која е исправен светот? „Мачката со гладно меше“ е класична бајка со современа тема. Деталните илустрации на Теему Јухани додаваат нов слој на приказната. Книгата ја добила Финската награда за промоција во странство и била номинирана за Наградата на нордискиот совет за книги за деца и млади.