Обвинета

Славенка Дракулиќ повторно пишува за болката, но овој пат во прв план не е физичка болка, туку длабоката емоционална траума. „Обвинета“ е роман за злоупотреба во семејството, за мајките што ги малтретираат своите ќерки. Секако, во име на љубовта. Мајката се омажила и покрај спротивставувањето на семејството, но бракот се распаднал многу бргу по раѓањето на детето. Родителите ѝ дозволуваат на својата ќерка повторно да живее со нив, но под еден услов–мора да ги прекине сите контакти со поранешниот маж. Кога таа ја обновува врската со него, се затвора во неверојатен круг од болка и страдање – ќерката е често параван за нивните средби, но потоа мајката вложува силни напори да ја спречи на кој било начин да издаде дека се виделе. Методите на тренингот и казните за пропустите се застрашувачки, а фасцинантен е погледот во свеста на жртвата, која безнадежно се прпелка во мрежата од љубов и болка. Потресен и вознемирувачки роман, кој многумина го прогласија за врв во опусот на Дракулиќ.