Свадбата на Ежо и Ежа

Запознајте се со нашите најнови херои – фамилијата Ешковци! Не, стоп, почекајте, дечиња, возбудувањата допрва ќе следуваат. За почеток, запознајте ги Ежо и Ежа. Тоа се две шумски ежиња што се заљубуваат на прв поглед. И, во тој момент, целата шума Иглолисна затреперува. А, кога возрасните ќе се заљубат до уши, обично склучуваат брак. И тогаш се организира нешто многу, многу интересно. Дали знаете како изгледа шумската свадба на нашите херои? Кој ќе биде поканет на веселбата, а кој не? Кој ќе ја прифати поканата, а кој ќе се налути што не е на списокот? И, најважното нешто: знаете ли што ќе следува веднаш по свадбата на Ежо и Ежа? Откријте повеќе во новата сликовница од пишувачката работилница на дедо Александар Кујунџиски!