Везилка - Блаже Конески

Во оваа стихозбирка со обединувачки наслов „Везилка“ се присоединети песните од збирките „Везилка“ и „Стерна“. Објавени се во една книшка во 1961 година, како дополнето издание. Тука се збрани најпознатите песни на Конески, Везилка, Стерна, Одземање на силата, Болен Дојчин... Истовремено, тие се и најпарадигматични за неговата поетика, затоа што преку нив, Конески го артикулира народниот дух на својата земја, обработен низ своите лични искуства.

„Посегнувајќи по корените на националниот идентитет, Конески честопати бара потпорка во традицијата, сака да воспостави мост кон претходниците. Но, и во песните во кои зборува за личностите од македонската културна историја (Прличев, Жинзифов...), тој ја согледува, пред сè, нивната осаменичка трагедија. Зборувајќи за нивната судбина, тој ја искажува, всушност, својата сопствена.“
академик Влада Урошевиќ