Имате домашен базен? Еве што сè треба да знаете за него!
Ако домашните базени некогаш се сметаа за луксуз, денес тие се стандарден дел од дворот, особено во жешките месеци. Атмосферата во летните ноќи е многу поубава кога имате ладен базен, бидејќи тоа може да биде совршено место за забава со пријатели, семејна дружба или индивидуално разладување.
Но, базенот покрај тоа што е задоволство, истовремено е и обврска, бидејќи бара редовно одржување и контрола. Што сè треба да знаете за вашиот домашен базен околу неговото одржување? Продолжете со читање за да откриете!
Одберете тип на базен кој ќе одговара на вашите потреби
Многумина купуваат или градат куќи со вкопани базени, кои потоа не ги користат во останатиот дел од годината. Сепак, одржувањето на базенот е независно од фреквенцијата на користење, така што доколку имате ваков базен ќе мора реводно да го одржувате во текот на целата година, без разлика што не го користите толку често.
Од друга страна, монтажните базени за двор се многу поедноставни во секој поглед. Тие се монтираат за кратко време, се полнат со вода и се одржуваат само во периодот кога се користат. Потоа се демонтираат и дворот продолжува да функционира како и претходно. Доколку сметате дека овој тип на базени е совршен за вас и сакате да набавите ваков, во моментов на Ananas.mk имате топ избор на модели од популарни брендови како Intex и Bestway, со уште подобри цени. А ќе најдете и специјални детски базени, за најмалите.
Бидете сигурни дека е безбеден за користење
Без разлика каков тип на базен имате, мора да се осигурате дека истиот е максимално безбеден за користење. Најважно е децата никогаш да не ги оставате без надзор, бидејќи тие лесно може да направат мал потег кој за миг ќе доведе до непријатна ситуација.
Дополнително, обезбедете ги сите реквизити кои се на располагање за лесно влегување и излегување од базенот. На пример, одберете скалички и друг тип на опрема за базени, кои ќе го олеснат користењето.
Системи за филтрација и прочистување
Ако базенот во вашиот двор е траен, односно вкопан во земјата и фиксен, тогаш со него сигурно доаѓа сложен систем на филтрација и посебен простор каде се наоѓаат моторот и пумпата. Овој систем е задолжен за постојана филтрација на водата и одржување на нејзините вредности во идеални граници со додавање на хлор, но и други елементи кои се борат против бактериите.
Ако имате монтажен базен, тогаш системот за филтрација е сличен, но помал. Дополнително, сета останата хемија за базени треба да ја додадете како и кај првиот тип, па не заборавајте да набавите сè што е потребно за оваа намена на вашиот омилен онлајн шопинг мол.
Естетика и додатоци за базенот
Иако самата вода е сосема доволна за подобрување на расположението и уживање, сепак е убаво базенот да го надополните со додатоци кои естетски ќе го разубават амбиентот.
На пример, додадете фонтана која ќе црпи вода од самиот базен, но ќе го разигра просторот, водоотпорни светилки кои ќе создадат магична и романтична атмосфера, или пак дополнителни игри за деца со кои најмалите ќе уживаат во водата.
На што да внимавате при користењето?
Базенот и водата во него бараат редовно одржување и грижа. Една од честите грешки кои корисниците ја прават е влегување во водата со нанесени креми за сончање и лосиони. Навикнати од рутината на плажа, сметаат дека тоа е нормално и за домашниот базен, но количеството на вода тука е исклучително мало и тие хемикалии не се разредуваат лесно, па базенот изгледа валкано.
Дополнително, важно е да се знае дека за одржувањето на водата се користат само хемиски средства наменети за тоа. Не користете куќна хемија или непроверени средства и набавете од продуктите наменети за тоа, бидејќи во спротивно може да создадете многу силни и несакани здравствени ефекти.
