Телевизори: Како Да Го Изберете Вистинскиот За Вашата Соба

Купувањето нов телевизор понекогаш може да изгледа како да влегувате во лавиринт од технички термини што едноставно не ги разбирате. 
„Колкава димензија?“ „Која резолуција е најдобра?“ „Што е тоа Smart TV?“ 
Но, не грижете се - сите сме биле во таа позиција и тука сме да ви го олесниме изборот и да ве водиме низ секој чекор со совети и информации што ќе ви помогнат да го пронајдете совршениот телевизор за вас. Ananas нуди неверојатен избор на телевизори за сечиј буџет и секоја намена, од компактни модели за во спална до големи и моќни модели за во дневна. 

Ајде да видиме што се треба да земете предвид кога барате нов телевизор и да пробаме да го најдеме совшршениот модел за вас, токму тука на Ananas!

Телевизори според големина на екранот и собата

Пред сé, треба да знаете за каде го купувате телевизорот, односно за која просторија. Големината на екранот треба да соодветствува на просторот, без да изгледа премногу голем или премногу мал.

За оние што сакаат да истражат малку подлабоко, Ananas нуди многу опции кои се прилагодуваат на сите потреби и простории.
 

32” – 40” Паметни (Smart) Телевизори

Овие телевизори се совршени за помали простории како спална, канцеларија или детска соба. Нивната големина е доволна за пријатно гледање без да опфатат многу простор, а со паметните функции можете да уживате во сите омилени апликации.
 

43” – 55” Паметни (Smart) Телевизори

Ова е најпопуларната големина за дневни соби — не е премногу мала, а не е ни премногу голема. Овие модели нудат одличен баланс меѓу големина и квалитет на сликата, што ги прави идеални за секојдневна употреба.
 

55” – 65” Паметни (Smart) Телевизори

Ако сакате да се почувствувате како да сте во кино додека гледате од удобноста на вашиот дом, овие големи екрани се идеални за вас. Нудат импресивна слика и ги исполнуваат очекувањата на љубителите на филмови и игри, но треба да имате и доволно простор, односно доволно голема дневна за да се долови ефектот на кино. 
 

75” – 98” Паметни (Smart) Телевизори

Овие телевизори се за вистинските ентузијасти кои сакаат да го добијат максимумот од секое гледање. Големината и квалитетот се на завидно ниво и нудат премиум искуство. Меѓутоа, димензијата си бара и навистина голем простор, па доколку имате невообичаено голема дневна вреди да ги погледнете овие модели. 

Препорачано растојание на гледање за твојот телевизор и соба

Удобноста при гледање зависи многу од растојанието меѓу вас и телевизорот. Како општо правило, идеалната оддалеченост е околу 1,5 до 2,5 пати повеќе од големината на екранот (дијагоналата). На пример, кај телевизор од 55 инчи, најдобро е да седите на растојание од 2 до 3,5 метри. Ако седите многу блиску, очите може да ви се уморат, а ако седите предалеку, ќе пропуштите детали што ги нуди сликата.

Кој оперативен систем е најдобар за паметен (smart) телевизор?

Паметните телевизори се како мали компјутери со сопствен оперативен систем кој ви овозможува да гледате серии и филмови, да сурфате и да користите апликации. Изборот на оперативниот систем зависи од тоа како планирате да го користите телевизорот, односно што најмногу сакате да извлечете од него, а на Ananas има широк асортиман на модели со разни оперативни системи:

Телевизори со Tizen оперативен систем

Оперативниот систем Tizen од Samsung е познат по лесната навигација и брзото работење. Апликациите се вчитуваат без проблем, а интерфејсот е пријателски и интуитивен.

Телевизори со WebOS оперативен систем 

WebOS е едноставен и интуитивен систем кој го користат LG телевизорите. Со чист и јасен интерфејс, лесно се движите низ менијата и апликациите и добивате доста пријатно корисничкото искуство.

Телевизори со Android TV / Google TV оперативен систем

Android TV и Google TV се омилени меѓу оние што сакаат многу опции и слобода. Поради интеграцијата со Google услугите и големата понуда на апликации, овие системи се навистина моќни и флексибилни.

Телевизори со Vidaa U оперативен систем

Vidaa U е поедноставен и брз оперативен систем што го користат брендови како Hisense. Идеален е за оние што сакаат основни паметни функции, без дополнителни компликации.

Телевизори со Веб оперативен систем

Некои телевизори доаѓаат со веб-базиран систем, што значи дека можете да прелистувате онлајн и да користите веб апликации директно од самиот телевизор.

Телевизори со Titan OS оперативен систем

Titan OS е меѓу поновите оперативни системи на пазарот, со модерен и брз интерфејс кој нуди лесно, едноставно користење.

Како се разликуваат телевизорите според технологијата на прикажување и квалитетот на сликата?

Квалитетот на сликата е една од најважните работи кога станува збор за изборот на телевизор, а зад тоа стои технологијата на прикажување што се користи во уредот. Колку е подобра технологијата, толку поубава, пожива и пореална ќе биде сликата што ја гледате. Затоа, добро е да знаете кои се разликите помеѓу најчесто користените технологии и што може да очекувате од нив.

LED Телевизори

LED телевизорите се најраспространети на пазарот и претставуваат солидна основа кога зборуваме за квалитетна слика. Тие користат LED диоди како извор на светлина што ги осветлува пикселите на екранот. Оваа технологија има многу предности: освен што нуди добар квалитет на слика, телевизорите се енергетски штедливи, што значи дека трошат помалку струја и се поеколошки. Покрај тоа, тие се релативно поевтини, така што доколку барте телевизор за секојдневна употреба, со јасна слика и добар контраст, LED е одличен избор.

QLED Телевизори

QLED е една од поновите и понапредните технологии кога станува збор за екрани. Клучната разлика е во „квантум точките“ – мали наночестички кои ја зголемуваат светлината и бојата на екранот. Ова значи дека боите ќе бидат многу поинтензивни, а контрастот ќе биде подобро дефиниран. Во пракса, тоа значи дека ќе гледате посветли бели тонови, поцрни сенки и поширок спектар на бои. Ова ја прави сликата пожива и поблиску до она што го гледате во реалниот свет. QLED телевизорите се идеални за оние кои сакаат да гледаат филмови, спортски натпревари или да играат видео игри со највисок квалитет на слика. Можеби се малку поскапи од класичните LED телевизори, меѓутоа нудат значително подобрување на визуелното искуство.

4K Ultra HD

Резолуцијата е уште еден клучен фактор кој влијае врз квалитетот на сликата. 4K Ultra HD телевизорот има четири пати повеќе пиксели од стандардниот Full HD. Со други зборови, ова овозможува многу поостра и подетална слика. Тоа е како разликата помеѓу слика направена со обичен апарат и слика направена со професионален фотоапарат –  навистина огромна! Со 4K Ultra HD, ќе можете да уживате во филмовите и игрите со неверојатна јасност, каде што се гледаат дури и најситните детали – од капките вода па сé до текстурата на облеката.
 

Crystal Processor 4K

Некои телевизори, како оние од Samsung, доаѓаат со специјален процесор наречен Crystal Processor 4K. Овој процесор е како „паметен мозок“ што ги обработува сликите кои ги гледаме. Неговата задача е да ги пронајде и нагласи сите детали што инаку би можеле да ни избегаат. Со помош на напредни алгоритми, тој ги подобрува боите, ја зголемува острината и го намалува шумот на сликата. Ова резултира со појасна, пожива и поточна слика, дури и ако оригиналниот материјал не е снимен во највисок квалитет. Затоа, телевизорите со Crystal Processor 4K се одличен избор за сите кои сакаат совршена слика и вистинско визуелно уживање.

Што треба да знаете за резолуцијата кај телевизорите?

Резолуцијата игра огромна улога во тоа колку остро и детално ќе изгледа сликата на екранот, односно колку пиксели има на него. Колку повеќе пиксели има на екранот, толку појасна и поостра ќе биде слика.

Во вашата потрага по идеалниот телевизор, ќе сретнете неколку видови резолуција:

4K UHD Телевизори

Овие телевизори стануваат сè почести и дефинитивно се добар избор ако барате врвен квалитет. Сликата што ќе ја гледате ќе биде неверојатно остра, со мнооогу повеќе детали. Идеални се ако гледате филмови, серии или спортови со многу движење, каде секој детал е важен. Исто така, 4K UHD телевизорите се одличен избор и за гејмери кои бараат максимално визуелно искуство.

Full HD Телевизори

Full HD телевизорите долго време беа златниот стандард – и денес сè уште се одлична опција, доколку не барате врвен квалитет, туку нешто пристојно, јасно и доволно добро за секојдневно користење. Тие нудат чиста и детална слика што совршено ќе одговара за гледање кабловска телевизија и YouTube видеа, а овие модели често се поевтини и затоа се популарен избор за спални соби, канцеларии или кај луѓе кои сакаат функционален телевизор без премногу трошоци.

HD Ready Телевизори

Овие телевизори се најчесто наменети за помали екрани – до 32 инчи. Не се препорачуваат за поголеми простории, но затоа пак се совршени за во детска соба, на викендица, во кујна, или како втор, дополнителен телевизор во домот. HD Ready телевизорите се едноставни, економични, и доволни за гледање вести, YouTube, или повремено филмче.

Дали го пронајдовте идеалниот телевизор?

Сега кога ги поминавме сите важни работи, веруваме дека ќе ви е многу полесно да направите избор што совршено ќе се вклопи во вашиот дом и ќе одговара на вашиот животен стил. Додека ви се свежи информациите, разгледајте го широкиот асортиман на телевизори достапни на Ananas, одберете го идеалниот за вас и уживајте во изборот – и уште поважно, во гледањето!