Кујнски мијалници

Какви сè типови на кујнски мијалници постојат?

Потојат разни типови на мијалници кои соодветствуваат на широките потреби на разните домаќинства. Секоја кујна е приказна за себе и без разлика дали е фабрички направена и монтирана во вашиот дом или е кујна правена по мерка, мијалникот секогаш има доминантно место во неа.

Потојат разни типови на мијалници во зависност од вашите потреби. Тие се разликуваат по својата форма, намена и материјалот од кои се направени. Најчестите материјали за изработка на мијалници или садопери како што се народски познати, се метал, инокс, керамика, камен, бетон и најчестите кои се употребуваат кај нас - емајлиран лим.

Како да го одберете вистинскиот мијалник?

За почеток, погледнете го постоечкиот мијалник. Видете ја формата која ја има, местоположбата во кујната и материјалот од кој е направен. Потоа размислете што од овие нешта сакате да смените, но истовремено размислете дали постојат технички можности за да го сторие тоа.

Ако имате единечен мијалник, а сакате да имате со две корита, тогаш мора да обезбедите простор на работната маса или на кујнскиот елемент кој стои под него. Кај нас има голем избор на кујнски елементи кои одлично ќе одат со кои било кујнски садопери што ќе ги одберете.

Следен чекор е да размислите дали сакате различен материјал или ќе одите со стандардниот емајлиран лим кој најголем дел од домаќинствата го користат. Ако ја реновирате кујната и создадете нешто погламурозно, тогаш побарајте умивалници направени од луксузни материјали, како камен, керамика или композитни материјали.

Разликата меѓу единечни мијалници и оние со две корита

Единечните мијалници и оние со две корита се различни по својот дизајн и функционалност. Единечниот мијалник има само едно корито, што го прави поедноставен, но и со помал капацитет.

Овој тип на мијалник е идеален за помали простории или кујни каде што не е потребен голем простор за миење садови. Тој е поприфатлив кога просторот е ограничен и кога не се потребни дополнителни функции.

Од друга страна, мијалникот со две корита има две засебни области за миење, што му дава поголема флексибилност. Едното корито може да се користи за миење, а другото за испирање или за други задачи, што е особено корисно за луѓе кои често готват или имаат повеќе садови за миење. Овој тип на мијалник е попросторен и се користи во поголеми кујни каде што има доволно простор за да се сместат две корита.

Во изборот меѓу двата вида мијалници, главната разлика лежи во тоа колку често користите мијалник, колку простор имате и какви се вашите потреби во кујната. Ако имате ограничен простор и ретко миете садови, единечниот мијалник е одличен избор. Но, ако имате потреба од поголема функционалност и работен простор во кујната, мијалникот со две корита ќе ви понуди повеќе флексибилност.

Одбирањето на вистински материјал е од особено знчење

Емајлираниот мијалник и оние направени од други материјали (како нерѓосувачки челик, камен, пластика и други) се разликуваат во неколку важни аспекти, како што се издржливоста, одржувањето, но и естетиката.

Емајлираните мијалници се направени од челична основа прекриена со емајл. Овој тип на мијалник има сјаен и глаток изглед, што го прави визуелно атрактивен и лесен за чистење. Ваквите површини не апсорбираат течности и лесно се одржуваат, но се подложни на оштетување од предметите со кои работиме, бидејќи емајлот може да се изгребе. Исто така, емајлираните мијалници имаат тенденција да бидат поосетливи на температурни промени и да се деформираат при високи температури.

Од друга страна, оние од нерѓосувачки челик се многу популарни заради својата издржливост и отпорност на дамки, корозија и високи температури. Нерѓосувачкиот челик е многу подолготраен и отпорен на физички оштетувања, што го прави одличен избор. Меѓутоа, на овие мијалници лесно се познаваат отпечатоците од водата ако не се одржуваат правилно и веднаш по користењето.

Пластичните мијалници се лесни и евтини, но не се толку издржливи како емајлираните или оние од нерѓосувачки челик. Можат да се оштетат од високи температури или хемиски средства, но се попогодни за викендички или места каде треба брзо и едноставно решение.

Мијалниците направени од различни типови на камен, како оние од гранит или композит, се многу издржливи и имаат природен изглед. Тие се отпорни на високи температури и не се склони на оштетување, но може да бидат подложни на дамки од киселини или средства за чистење. Каменот, исто така, е тежок и може да биде скап, што го прави помалку практичен.

Одржување на мијалниците

Во однос на одржувањето, емајлираните мијалници вообичаено бараат посебна грижа за да се избегнат оштетувања на емајлот, додека мијалниците од нерѓосувачки челик и камен се лесни за чистење и издржуваат подолги временски периоди со помалку грижа.

Изборот помеѓу емајлиран мијалник и оној од други материјали зависи од личните преференции во поглед на изгледот, цената, издржливоста и леснотијата на одржување, па доколку одржувањето ви е на врвот на приоритетите, сега знаете што да одберете.

Не барајте продавници за санитарија - кај нас има сè што ви треба

Ако некогаш сте баратле садопери во Скопје, знаете дека има безброј продавници раштркани по периферните делови од градот, додека оние во градското подрачје се исклучително скапи. На Ананас купувате без да излезете од дома, а сите нарачки ги доставуваме каде сакате.

Најдобриот дел е што не мора да нарачувате различни елементи за кујната или бањата од различни места. Ние имаме предмети за кујна и трпезарија, опрема за бања и сè што ви треба за опремување на вашиот дом и градина.

Погледнете ја понудата на лавабоа, чешми, кујнски елементи, садови и друго и купувајте со леснотија и уживање без да почувствувате болка во нозете од бескрајното талкање од една во друга продавница.