Мебел за бањи и санитарии

Бањата секогаш мора да има перфектен изглед

Во бањата можеби не минуваме премногу време, но тоа е место каде сакаме да се чувствуваме релаксирано и удобно. Токму затоа таа секогаш мора да биде средена и чиста до перфекција. Облеката не смее да биде расфрлана, а крпите мора да имаат свое место на чување.

За да го постигнете овој изглед, покрај повременото пребришување за прашина или чистењето на плочките, мора да имате соодветен мебел каде сите предмети ќе стојат. Фунцкионалноста е примарна, па побарајте мебел кој совршено ќе одговара на вашите потреби.

Каков тип на мебел за бањи треба да имате дома?

Пазарот нуди изобилство на различни елементи за бања и мебел кој ги исполнува очекувањата. Може да се каже дека дизајнерите посветиле многу внимание и обезбедиле решение за секој предмет во бањата.

Покрај санитариите кои се основниот дел од бањата, мора да имате и дополнителни елементи, како што се плакари, закачалки и слично. Крпите, четките за заби, шампонот и средствата за чистење мора да стојат на соодветни места, па побарајте мебел кој ќе соодветствува на вашите потреби.

Мебел кој мора да го имате во бањата

Бањата е една од најважните простории во домот и мора да посветите исклучително внимание на нејзиниот ентериер. Истовремено, бањите и се целосно различни по својот стил и изглед. Секоја бања мора да има плочки и соодветна електрична и водоводна инсталација, но исто така и мебел кој ќе овозможи лесна и едноставна употреба на просторот.

Елементи за мијалници

Мијалникот во бањата мора да стои на некаков елемент и тој елемент може да послужи како складиште за разновидни материјали. Иако модерни мијалници можат да бидат и самостојни и да бидат вградени во самиот ѕид, најголем дел од моделите се монтирани на вакви елементи.

Огледала

Каква е таа бања без огледало? Има разновидни типови на огледала, од мали и симпатични, односно такви што служат да може да се видите наутро при редовното миење на лицето, до такви кои се ѕвезда во просторијата и го привлекуваат вниманието со својата доминантност и гламур.

Плакари

Пешкирите за капење, бањарките, како и голем број други материјали треба секогаш да ви бидат достапни во бањата. Сите тие се најдобро сместени во плакарите за бањи. Може да бидат поставени на ногарки или вградени во ѕидот. Одберете што најмногу одговара за вашиот простор, но не ја оставајте просторијата празна.

Фиокари

Слично на плакарите, за некои предмети најдобро е да имате фиокари во кои ќе ги складирате средствата за одржување хигиена, но и сите останати нешта кои нема каде да бидат сместени. Вообичаено фиокарите и плакарите одат заедно и создаваат една целина.

Санитариите секогаш мора да бидат во беспрекорна состојба

На Ананас имаме одличен мебел за во бања, но исто така и голема понуда на елементи за санитарија. Овој дел од вашиот дом секогаш мора да е во беспрекорна состојба, па повремената промена на елементите и освежувањето на бањата се задолжителни.

Ако точно знаете што барате, нарачајте и ние со задоволство ќе го испорачаме продуктот до вашиот дом или на адресата која ќе ја наведете. Без грижа, дури и да згрешите во димензиите и парчето да не одговара, исконтактирајте го нашиот тим и ние ќе го замениме производот со вистинскиот.

Какви санитарии ви требаат во бањата?

Огромната понуда на санитарии може лесно да ве збуни и да помислите дека вашето купатило не е доволно добро опремено или нешто ви недостига. Сепак, неколку елементи се задолжителни, а некои се опционални. Еве кои се санитарни елементи во бањата:

Тоалет школки

Најголемиот дел од бањите се исто така наменети и за вршење нужда. Доколку живеете во стан, голема е веројатноста дека имате една бања во која исто така се наоѓа и тоалет школката. Токму затоа, овој елемент се смета за основен и задолжителен.

Мијалници

Мијалникот е уште една задолжителна санитарија која овозможува одржување на личната хигиена. Утринските и вечерните ритуали за миење на забите и лицето, отстранување на шминката и разубавување пред дневните работни или училишни обврски се остваруваат токму пред мијалникот и огледалото над него.

Туш кабини

Експертите препорачуваат барем едно туширање во денот за да ја задржите свежината и да остварите беспрекорна хигиена на телото. За да го направите тоа, мора да имате туш кабина која нема да дозволи водата да се распрска низ просторијата. Некои туш кабини се направени од стакло, други од пластика, но сите тие ја вршат истата рбота - заштита на просторот од распрскана вода.

Кади

Доколку сакате да внесете малку повеќе уживање во животот, тогаш заменете ја туш кабината со када. Кадите се елемент од санитариите во бањата кои нудат опуштање и темелна хигиена. Сепак, тие не се основен и задолжителен елемент, па обезбедете ги само доколку имате можност за тоа.

Бидеа

Бидеата се важен дел од хигиената во голем број култури ширум светот. Многумина ги сметаат за основен дел од санитариите, но нивната функција може да биде инкорпорирана во постоечката тоалет школка, па доколку немате простор во бањата за биде, потребата може да ја решите и на поинаков начин.