Маталки за кафе

Како се направени маталките за кафе?

Маталките за кафе се направени на многу едноставен начин, а вршат толку голема работа кога сакате да изматите и добиете густа смеса која потоа може да се претвори во прекрасен пијалок.

Маталките работат на батерии или се поврзани со кабел во струја. Работат така што малечок електромотор прави другиот дел од маталката да прави брзи кружни движења, со што течноста во чашата брзо и лесно се мати.

Со помош на овој апарат може да матите кафе, млеко, шлаг, но и други производи кои сакате да станат погусти.

Какви типови на маталки за кафе постојат?

Генерално постојат два типа на маталки за кафе - рачни и статични. Рачните вообичаено работат со помош на стандардни батерии, но нудат релативно помала сила од статичните.

Статичните имаат поголем мотор, користат повеќе електрична енергија и може да се користат и како класичен миксер во некои случаи.

Кој од овие два типа и да го одберете ќе имате успех во правењето прекрасни капучино кафиња, фрапеа или ладни кафиња. Ако одберете рачна маталка, може да ја понесете со себе, но доколку ги заборавите батериите, нема да можете да ја користите. Ако одберете статична маталка, ќе направите прекрасно кафе, но само доколку имате пристап до електрична енергија.

Неколку идеи за совршено фрапè

Класичното фрапè значи вода, кафе, млеко и коцки мраз, но тоа може да биде уште повкусно. Ако сте љубител на вкусно фрапè, еве пар рецети кои можеби ќе ви ги разубават топлите летни денови:

Ставете малку вода и кафе во чаша и добро изматете ги со маталката за кафе. Откако пената ќе се направи, додадете млеко, коцки мраз и ванилин прав. Доколку не сте љубител на ванила, заменете ја со вкус по избор, како на пример цимет или некоја друга состојка.

Друга идеја која можеби ќе ви се допадне е да ги ставите одеднаш водата, кафето, млекото и коцките мраз во чашата и сите заедно да ги изматите. За ова користете статична маталка, бидејќи рачните може да немаат моќ да ги искршат коцките мраз. Напитокот кој ќе го добиете зачинете го дополнително со сламка и омилено парче овошје.

Нарачајте маталки од Ананас, добијте ги бесплатно од нашите доставувачи каде и да се наоѓате и уживајте во совршено лето.