Маски и футроли за мобилни телефони

Зошто маските и футролите се важни?

Кога купувате нов телефон, важно е да обезбедите соодветна заштита која ќе спречи тој да се уништи доколку падне на земја. Имаме разни футроли кои ќе го заштитат, а доколку повеќе сакате чист и елегантен изглед, имаме и заштитни фолии.

Маските кои се ставаат на паметните телефони го менуваат изгледот на уредот. Покрај заштита, многумина се одлучуваат за маски со своите омилени херои од филмовите, спортисти или музичари. Ако сакате да го смените изгледот на телефонот, а истовремено да обезбедите заштита од паѓање и кршење, ова е совршеното решение за вас.

Разни типови на маски и футроли за телефони кај нас

Замислете да купите од нашата голема понуда на мобилни телефони и потрошите десетици илјади денари за неверојатен модел на iPhone, Huawei или Samsung и на првото јавување кај пријателите тој да се лизне од вашата рака и да се искрши. Ужасно сценарио. Токму затоа со одбирањето на мобилен телефон треба истовремено да направите нарачка и за маска, футрола или заштитна фолија.

Погледнете го менито од левата страна и побарајте го моделот на мобилен телефон кој го поседувате. Одберете го тој филтер и системот ќе ви ги прикаже само маските и футролите кои соодветствуваат. Така лесно ќе го одберете она кое е идеално за вас.

Нарачајте и чекајте ги доставувачите да ги донесат нарачаните футроли и маски

Ананас е платформа за купување која функционира онлајн. Модерниот свет оди напред, а ние сме дел од трендовите. Низ Европа и светот речиси 70% од луѓето нарачале барем еден продукт онлајн изминатата година. Купувањето кај нас ве прави дел од модерниот и напреден свет.

За разлика од другите, купувањето кај нас е брзо и сигурно. Ние ги доставуваме сите нарачани производи на адресата која ќе ја побарате бесплатно. Дури и да не одговара некој од производите, не грижете се, бидејќи ние ќе го замениме со соодветниот.

Како да ја исчистите футролата за телефонот на најлесен и најсигурен начин?

Маските и футролите станаа голем моден тренд. Маската за телефон се бира како и секое друго модно парче и нејзината функција одамна не е веќе само заштита од удари, гребнатини и нечистотија.

Но, колку често ни текнува да ја исчистиме? Ако вашата футрола веќе има дамки, жолтеникава боја или нечистотија по рабовите, време е за акција! Не заборавајте дека ја приближувате до лицето, цел ден ја држите во рака и на неа можат да се акумулираат бактерии, прашина и нечистотии кои може да предизвикаат иритации или инфекции.

Проверете од каков материјал е футролата

Кога одбирате нова футрола, најважно е да знаете од што е направена футролата, односно дали е:

• Силиконска (најчесто транспарентна или обоена)
• Кожна (природна или вештачка кожа)
• Пластична (тврд материјал со сјајна или мат површина)
• Ткаенина или друг материјал

Секој материјал бара посебен пристап во чистењето па затоа е потребно да ја знаете оваа поделба.

Што ти е потребно за чистење?

Еве листа на работи што може да ви бидат од корист кога се работи за чистење на маските и футролите:

• Мека крпа или сунѓер
• Сапун за раце или благ детергент
• Четка за заби (стара, но чиста)
• Алкохол (изопропил) или средство за чистење стакло
• Топла вода

Чистење на футролата во неколку едноставни чекори

За силиконски футроли:

1. Извадете ја футролата од телефонот.
2. Направете мешавина од топла вода и малку сапун.
3. Со меката крпа или сунѓер, нежно протријте ја футролата, особено рабовите каде што најмногу се собира нечистотија.
4. Ако има тврдокорни дамки, искористете стара четка за заби – потопете ја во сапуница и истријте.
5. Исплакнете со чиста вода и оставете да се исуши природно.

За кожни футроли:

1. Користете малку влажна крпа за бришење. Избегнувајте премногу вода за да не ја оштетите кожата.
2. Ако има дамки, може да нанесете малку средство за чистење кожа или бебешки шампон.
3. Полирајте ја со сува крпа за да го вратите сјајот.

За пластични футроли:

1. Искористете ги истите чекори како за силиконските, со тоа што може да употребите и малку алкохол за отстранување на упорните дамки.
2. Пластиката е издржлива, па можете да користите и посилни средства, како средство за чистење стакло.

За футроли од ткаенина:

1. Потопете ја во сапуница 10-15 минути.
2. Истријте со четка за заби.
3. Исплакнете ја и оставете да се исуши.

Не заборавајте да го исчистите и телефонот

Додека футролата се суши, исчистете го телефонот со мека крпа и малку алкохол за да ги отстраните отпечатоците и нечистотијата. Не нанесувајте течност директно на телефонот – секогаш користете крпа.

Дополнителни совети:

• Избегнувајте ја машината за миење садови. Иако звучи практично, ова не е добра идеја бидејќи тоа може да ја оштети футролата.
• Не користете груби хемикалии. Тие може да го избледат материјалот или да ја направат футролата кршлива.
• Чистете ја футролата редовно. Еднаш месечно е доволно за да изгледа како нова.