Пилинг за лице

Зошто пилингот за лице треба да биде дел од вашата рутина за нега на кожата?

Пилингот за лице ги отстранува мртвите клетки и нечистотиите од површината на кожата. Овие продукти најчесто содржат ситни гранули кои нежно го отстрануваат таложењето на мртвите клетки на кожата, а по употребата кожата е значително помазна и помека. Еве зошто е важно редовно да употребувате пилинг за лице:

• Ја подобрува текстурата на кожата: со чистење на кожата од мртвите клетки на површината на лицето, пилингот помага да се рафинира текстурата на кожата.
• Ја подобрува апсорпцијата на другите производи за нега: пилингот за лице овозможува серумите, кремите и другите производи за нега, длабоко да навлезат во кожата.
• Длабоко чистење на порите: пилингот ги отпушува порите и го отстранува вишокот маснотии, нечистотија и остатоците од шминка кои може да се акумулираат и да доведат до појава на акни.

Кој пилинг одговара најдобро на вашиот тип на кожа?

Пилингот може да ви помогне да ја негувате вашата кожа, но не сите пилинзи се погодни за секој тип на кожа. Доколку одберете пилинг кој е соодветен за вашиот тип на кожа ќе извлечете максимум од производот и секако вашата нега ќе биде поефективна.

• Нормална кожа:

Доколку имате нормална кожа, треба да избегнувате пилинзи кои содржат груби хемикалии, бидејќи тие може да ја нарушат pH вредноста на вашата кожа. Побарајте пилинг со природни состојки, како шеќер, овесни снегулки или екстракти од овошје, кои нудат благ пилинг без ризик од иритација.

• Сува кожа:

Сувата кожа лесно ја губи влагата па затоа за неа најдобри се хидратантни пилинзи кои нудат нежна ексфолијација. Одберете пилинзи кои содржат состојки како мед, зрна од јојоба или шеа путер кои ја хидрираат кожата.

• Мрсна кожа:

Мрсната кожа произведува повеќе себум и е склона кон појава на акни, па затоа е најдобро да изберете пилинг за лице кој содржи состојки како салицилна киселина или масло од чајно дрво - состојки кои имаат антибактериски својства. Пилингот со глина е исто добар избор за отстранување на маснотиите.

Грижете се за вашата кожа со продуктите на Ананас

По употребата на пилинг, кожата е освежена и подмладена. А посветувањето време за нега на лицето со пилинг, маски за лице и тоник, прави да се чуствуваме негувано и разгалено.

На Ананас можете од удобноста на вашиот дом да ги нарачате сите производи кои ви се потребни за да ја освежите вашата кожа - имаме креми, спрејови за лице, масла, памукчиња и многу други продукти.

Имаме разновидна понуда од голем број на реномирани брендови кои се почитувани и признанени во козметичката индустрија. Нарачајте онлајн, а ние ќе ви ги доставиме до дома вашите нови средства за нега.