ОПШТИ УСЛОВИ НА РАБОТЕЊЕ НА АНАНАС ЗА ТРГОВЦИ

1. ВОВЕДНИ ОДРЕДБИ 

1.1. Со овие „Општи услови на работење на Ананас за трговци’’ (во натамошниот текст: Општи услови) се дефинираат стандардните услови на работење на АНАНАС МК ДОО Скопје (во натамошниот текст: Ананас) што се применуваат на сите деловни односи меѓу Ананас како посредник и Трговците како налогодавачи.
1.2. Овие Општи услови се составен дел на Договорот за посредување при продажба на стока и услуги и за придружни услуги (во натамошниот текст: Договор) што го склучуваат Ананас и Трговецот (во натамошниот текст заедно означени и како Договорни страни, а поединечно како Договорна страна)
1.3. Ананас е трговско друштво регистрирано во Централниот регистар на Република Северна Македонија, кое во рамките на своите деловни активности на Трговецот му нуди и обезбедува: услуги на посредување (поврзување) при продажба на стока, односно услуги преку својата Електронска платформа ananas.mk (во натамошниот текст: Платформа), придружни услуги (достава на стока до купувачи, рекламирање, складирање и манипулација со стока) и други услуги.
1.4. Трговецот кој продава стока преку Платформата е трговско друштво или претприемач регистриран во Централниот регистар на Република Северна Македонија и е заинтересиран да ги нуди и продава своите стоки/услуги на пазарот со посредство и според условите и правилата на Платформата.
1.5. Со склучувањето на Договорот со Ананас, Трговецот потврдува дека ги прочитал Општите услови, дека целосно ги разбрал и дека целосно се согласува со нивната примена на неговиот деловен однос со Ананас. 
1.6. На договорниот однос помеѓу Ананас и Трговецот е исклучена примената на какви било општи услови на Трговецот или здруженијата или асоцијациите на кои припаѓа Трговецот и сл., како и какви било други општи услови или правила истакнати или наведени на фактурите, спецификациите и сл. или кои било други документи на Трговецот.
1.7. Ананас го задржува правото во секое време да ги измени и/или да ги дополни Општите услови и новите Општи услови и да ги објави на Платформата, со што новите Општи услови ќе ги заменат дотогаш важечките. Новите Општи услови влегуваат во сила и се применуваат по истекот на петнаесеттиот ден од денот на објавувањето на Платформата и на тој ден стануваат важечки, применливи и обврзувачки за деловниот однос помеѓу Ананас и Трговецот без потреба тие да бидат посебно одобрени од Трговецот. Во случај на измена на Општите услови, Трговецот има право еднострано да го раскине Договорот и својот деловен однос со Ананас во рокот наведен во Договорот со доставување писмено известување до Ананас, без право да бара каков било надомест од Ананас.
1.8. Меѓу Договорните страни не се воспоставува каков било однос на ексклузивност или приоритет, ниту пак овие Општи услови го обврзуваат Ананас на каков било успех во однос на обемот и/или количината на стоки/услуги продадени преку Платформата.

2. ДЕФИНИЦИИ

2.1. За потребите на разбирањето на Договорот и овие Општи услови, одредени поими го имаат следното значење: 
2.1.1. Електронска платформа - ananas.mk (Платформа) - збир на ИТ алатки кои служат за оперативни продажни работи, како и за сите процеси за управување со базата на производи и аналитика, на која купувачот може да купи стоки/услуги од продажниот асортиман на Трговецот, други трговци со кои Ананас има склучен договор, како и од асортиманот на Ананас; 
2.1.2. Купувач – физичко лице (потрошувач), претприемач или правно лице кое купува стоки/услуги преку Платформата; 
2.1.3. Стока – стока што се продава на Платформата, а чиј исклучив сопственик е Трговецот сѐ до моментот на нејзиното предавање на купувачот и чиј промет преку Интернет е дозволен со позитивните прописи на Република Северна Македонија;
2.1.4. Услуга – услуга што се продава на Платформата, обезбедена од Трговецот, а која се обезбедува во корист на купувачот и чиј промет преку Интернет е дозволен со позитивните прописи на Република Северна Македонија;
2.1.5. Придружни услуги – услуги кои ги обезбедува Ананас, а ги користи Трговецот, различни од услугата за посредување која, како основна услуга ја обезбедува Ананас ;
2.1.6. Вредност на стока/услуги – вкупниот паричен износ за кој купувачот купува стока/услуги (во кој е вклучен ДДВ), според склучениот договор со Трговецот (по една потврдена нарачка);
2.1.7. Цена – цена на поединечен артикл на Трговецот, прикажана до артиклот на Платформата, со вклучен ДДВ во износот, без трошоците за достава;
2.1.8. Овластено лице на Ананас – лице овластено од Ананас (без разлика дали е вработен или трето лице кое дејствува во име на Ананас според договор или друго овластување) кое пристапува до Платформата заради одржување на содржината на Платформата, односно лица кои обезбедуваат услуги во корисничката поддршка на Ананас;
2.1.9. Корисничко упатство - упатство кое подетално го опишува поставувањето и понудата на стока/услуги на Платформата како и спроведувањето на активностите и услугите во согласност со Договорот и овие Општи услови; 
2.1.10. Банка – давател на платежни услуги, која на Ананас му отвора и одржува наменска сметка за заштита на парични средства на корисници заради прифаќање на парични  средства и понатамошен трансфер на парични средства по налог на Ананас а според инструкциите добиени преку Платформата, од и во име на купувачот; 
2.1.11. Банка прифаќач - финансиска институција за давање услуги за прифаќање платежни картички;
2.1.12. Интернет продажно место (IPM) – означува продажно место на Интернет за кое Трговецот се обврзал да прифаќа платежни картички и/или други платежни инструменти преку сервиси поддржани од страна на финансиска институција по избор на Ананас;
2.1.13. Интернет платежна трансакција – означува платежна трансакција создадена со користење на платежна картичка и/или друг платежен инструмент со посредство на Интернет; 
2.1.14. Услуга за прифаќање на платежни картички на IPM Ананас - услуга на Банката прифаќач што овозможува продажба на стока/услуги преку прифаќање на платежни картички и/или други платежни инструменти на купувачот на IPM Ананас;
2.1.15. Одложено плаќање – означува одложување на трансферот паричните средства на купувачот до трговецот за период од најмалку 14 дена во кои купувачот има право на повлекување од договорот за купување на стоката/услугата склучен на Платформата. Датумот на извршување на преносот на средства на сметката на Трговецот не може да биде подоцна од 30 дена од датумот на трансакцијата (кога купувачот платил за стоката/услугата).

3. ПЛАТФОРМА

3.1. Платформата, нејзината содржина и изглед, софтверот и сите податоци на неа се сопственост на Ананас или на овластените производители на софтвер и исклучиво Ананас има право да располага со нив, да ги користи и да управува и администрира со нив. Овие Општи услови не создаваат, не сочинуваат ниту пренесуваат каква било сопственост, авторско право или други права на интелектуална/индустриска сопственост на Трговецот. 
3.2. Ананас им дава можност на Трговците да ги поставуваат, нудат и рекламираат своите стоки/услуги на Платформата заради продажба на купувачите според корисничкото упатство кое е достапно на Платформата. Ананас е должен да му обезбеди на Трговецот техничка поддршка за непречено користење на Платформата за целото времетраење на Договорот помеѓу Ананас и Трговецот. 
3.3. Платформата може да биде привремено недостапна или достапна во ограничен обем, како резултат на работи за одржување на системот или како резултат на виша сила, а во тој случај Ананас не е одговорен за претрпената штета или изгубената добивка на Трговецот или трошоците од каков било вид што може да се појават за Трговецот. 
3.4. Ананас гарантира дека Овластеното лице на Ананас ќе ги чува во тајност примените кориснички податоци на Трговецот. Доколку Овластеното лице на Ананас се посомнева во неовластено или неодобрено користење на корисничките податоци, без одлагање ќе ги достави тие информации на официјалната адреса за е-пошта на Трговецот, а може и привремено да ги блокира активностите врз основа на корисничките податоци на Трговецот на Платформата. 
3.5. Ананас се обврзува дека ќе ги отстранува оперативните проблеми што може да се појават при користење на Платформата. Ананас ќе пристапи кон отстранување на проблемите со грижа на добар стопанственик. Под оперативни проблеми се подразбираат грешки предизвикани од Овластено лице на Ананас, кое влијае на одвивањето на деловниот процес на Платформата.
3.6. Трговецот може да ја користи платформата и нејзиниот софтвер само за целта дефинирана во овие Општи услови и е должен да му ги надомести на Ананас сите штети предизвикани со користење на Платформата спротивно на Договорот и Општите услови. Ананас се обврзува дека ќе му даде на Трговецот упатства за правилно и технички безбедно користење на Платформата и тоа со поставување на тие упатства на соодветни места на Платформата. Трговецот се обврзува дека ќе ја користи Платформата во согласност со упатствата што ќе ги добие од Ананас и дека нема да манипулира со податоците или содржината на Платформата на недозволен начин. Трговецот не смее да дистрибуира вируси или друга недозволена содржина преку Платформата. Трговецот не смее да користи никакви алатки што систематски би манипулирале со содржината на Платформата освен алатки одобрени од Ананас. Трговецот е должен да го известува Ананас за сите воочени неправилности во работењето на Платформата преку официјалната адреса на е-пошта на Ананас:marketplace@ananas.mk.

3.7. Трговецот е целосно одговорен за содржината што ја поставува на Платформата и е должен да ги добие сите потребни согласности и одобренија доколку користи содржина што претставува интелектуална сопственост на друго правно лице.

4. ИЗЈАВИ И ГАРАНЦИИ

4.1. Ананас изјавува и му гарантира на Трговецот:
4.1.1. дека ќе ги извршува своите договорни обврски со грижа на добар стопанственик, навремено, во договорените рокови.
4.1.2. дека при исполнувањето на своите договорни обврски ќе ги почитува одредбите од применливите прописи на Република Северна Македонија;,
4.1.3. дека во комуникацијата со купувачите јасно ќе назначи дека настапува како Посредник на Трговецот за продажба на стоки/услуги преку Платформата; 
4.1.4. дека сите барања, рекламации и прашања добиени од купувачите во врска со стоките/услугите ќе ги доставува до Трговецот и тоа така што истите ќе ги поставува на соодветни места на Платформата до кои Трговецот има пристап;
4.1.5. дека ќе ги исполнува своите договорни обврски на начин и во обем како што е предвидено со Договорот и овие Општи услови.
4.2. Трговецот изјавува и му гарантира на Ананас:
4.2.1. дека тој е исклучив сопственик на стоката/услугата и дека врз стоката/услугата не постојат никакви права на трети лица, вклучително но не и ограничувајќи се на залог, право на задржување, службеност и/или товари од каков било вид, право на првенство на купување или посебните и ексклузивни правa на трети лица, дека не постојат правни недостатоци на стоката/услугата, и дека може слободно да располага и да ја продава стоката/услугата, а во случај да нуди услуги и дека располага со соодветни деловни, технички, кадровски и други капацитети да ги обезбедува истите со професионална грижа, во нарачаниот обем и рокови, и со највисоки стандарди за предметниот вид на нарачани услуги; 
4.2.2. дека, доколку е применливо, ги поседува сите потребни согласности, дозволи, одобренија и лиценци за тргување и промет со стоките/услугите, дека не постојат никакви пречки, забрани или ограничувања од страна на кое било трето лице или надлежен орган за промет со стоките/услугите, вршење дејност, како и исполнување на правата и/или обврските како што е регулирано со овие Општи услови;
4.2.3. дека е титулар и носител на трговска марка и сите други права на интелектуална сопственост, односно дека ги поседува сите претходни овластувања од сопственикот на такви трговски марки и права на интелектуална сопственост кои се однесуваат на стоките/услугите, односно дека нема законски, договорни или какви било други пречки за склучување Договор, како и за исполнување на правата и/или обврските на која било договорна страна под условите и на начин како што е регулирано со Договорот и Општите услови;
4.2.4. дека за стоката/услугата навремено и во потполност се пресметани и платени сите даночни и други давачки, акцизи, царини и слично доколку тоа е применливо, како и дека при предавањето на стоката/извршувањето на услугата на купувачот истата ќе биде испратена и снабдена со соодветна документација согласно позитивните прописи од областа на готовинските плаќања и испратница, односно со договор за купопродажба доколку тоа е применливо;,
4.2.5. дека ќе ја нуди и рекламира стоката/услугата на Платформата, ќе ја истакнува нејзината цена, својства, продажни услови и стимулации, попусти и акции во согласност со важечките прописи;
4.2.6. дека стоката/услугата ќе биде правилно декларирана, во соодветно и оригинално производствено, транспортно и трговско пакување, со сите дозволи, одобренија, атести, хомологациски и слични барања, докази за безбедност и со целата потребна документација за пуштање на стоката во промет, сето во согласност со применливите и важечките прописи на Република Северна Македонија, и дека стоката ги има соодветните EAN кодови (артикл, комерцијално и транспортно пакување и слично); 
4.2.7. дека ќе обезбеди навремена испорака во дефинираните рокови на нарачаните количини и видови на стока/услуга со воедначен квалитет и стандард, и во рамки на роковите на употреба, која во однос на својствата е во согласност со важечките прописи на пазарот кои ја дефинираат здравствената и општата безбедност, условите за заштита на животната средина, техничките барања во однос на производот и амбалажата, како и во согласност со други прописи кои важат за стоката/услугата, и дека стоката/услугата има својства кои одговараат на податоците спецификацијата на производителот и декларацијата на стоката/услугата; 
4.2.8. дека, во случај да постои какво било барање за поведување на соодветна постапка или одлуки на судски или други надлежни органи за одговорност поради какви било недостатоци на и/или во стоката/услугите или постои конечен наод на реномирана контролна куќа – независна лабораторија која докажува дека штетата е предизвикана од пропусти на Трговецот и дека постои некаков недостаток на стоката/услугите (која во секој поединечен случај можат да ја ангажираат заинтересираните страни), ќе преземе одговорност кон трети лица и/или купувачи доколку истите претрпат штета поради недостатоци на испорачаната стока односно обезбедените услуги;
4.2.9. дека стоката/услугата, доколку е применливо, ќе биде придружена и снабдена со соодветни упатства за употреба и монтажа, гарантни и сервисни книги и упатства; 
4.2.10. дека за стоката/услугите ќе обезбеди исполнување на сите потрошувачки права и други права на купувачите врз основа на дадени законски и договорни гаранции, сообразност на стоката/услугата, а сето во согласност со прописите кои ја регулираат заштитата на потрошувачките права и правата на купувачите врз каква било основа, и дека ќе обезбеди можност за сервис и достапност на резервни делови за стоката/услугата доколку е применливо;
4.2.11. дека стоката/услугата што е прикажана и опишана на Платформата, во таква состојба и со такви карактеристики ќе биде испорачана/доставена на купувачите;
4.2.12. дека во соето работење ќе се придржува кон сите важечки прописи на Република Северна Македонија и стандардите и начелата на добра деловна пракса.

5. УСЛУГИ НА ПОСРЕДУВАЊЕ ВО ПРОДАЖБАТА НА СТОКИ И УСЛУГИ 

5.1. Посредување
5.1.1. Со склучување на Договор со Трговецот, Ананас стекнува овластување на посредник во врска со нудење и продажба на стоки/услуги на Трговецот и поврзување на Трговецот и купувачите преку Платформата, што ги подразбира следните активности: 
5.1.1.1. овозможување на Трговецот да постави приказ на својата стока/услуга и истата да ја нуди (дава неотповиклива понуда за продажба) на Платформата со дефинирање на цената и другите услови под кои истата се продава; 
5.1.1.2. овозможување на купувачите да ја разгледаат понудената стока/услуги, да направат свој избор и да донесат и да ја потврдат одлуката за купување на одредена стока/услуги; 
5.1.1.3. автоматско прифаќање и потврдување на нарачките на купувачите во врска со избраната и порачана стока/услуги на Платформата; 
5.1.1.4. репродукција и печатење на документација согласно позитивните прописи од областа на електронската трговија, заштита на потрошувачите и организација на плаќања кон Трговецот за нарачаната стока/услуги доколку е така договорено;
5.1.1.5.  препраќање на нарачката за стока/услуги на Трговецот заради подготовка за преземање и испорака на стоката на купувачот, односно овозможување на давање услуги на купувачот. 
5.1.2. Трговецот е запознаен дека прифаќањето на нарачките на купувачите се врши автоматски со користење на соодветен софтвер на Платформата и се согласува дека со прифаќање и потврдување на нарачките се создава обврска за Трговецот да ги продаде и предаде, односно обезбеди, нарачаните видови и количини на стоки, односно услуги, на купувачот.
5.1.3. Со тргување преку Платформата, Трговецот прифаќа да издава и креира свои сметки и друга документација што нужно ги придружува стоките/услугите преку софтверски алатки и оперативни решенија на Платформата, а кои автоматски се активираат при нарачка на стоки/услуги од страна на Купувачите.
5.1.4. Со цел да се избегнат какви било сомнежи, Договорните страни потврдуваат дека Ананас нема обврска да врши какви било други посреднички активности освен активностите кои се предвидени со Договорот и овие Општи услови.
5.1.5. По приемот на нарачката од купувачот, трговецот е должен да обезбеди и подготви за испорака соодветна количина и асортиман на нарачаната стока и во рок од 1 до 3 дена и да му овозможи на Ананас, односно на курирската служба ангажирана од Ананас, преземање на стоката заради испорака до купувачот, односно да одговори и да ги обезбеди нарачаните услуги на купувачот.
5.1.6. Ананас обезбедува придружни услуги во областа на е-трговија и заштита на потрошувачите кои овозможуваат непречено и ефикасно функционирање на е-трговијата и остварување на правата на потрошувачите, а имајќи ги предвид, особено законските обврски на Трговецот со кој потрошувачот директно склучува договор за продажба на стоки, односно давање услуги. Овие услуги на Ананас се обезбедуваат за потребите на Трговецот, а особено се однесуваат на информирање на потрошувачите, рекламации, реализација на правото на потрошувачите да се повлечат од договорот, помош во решавањето на приговорите на потрошувачите, вонсудско решавање на потрошувачки спорови, како и остварување на задоволително ниво на корисничко искуство, како за потрошувачите, така и за самите Трговци. 
5.2. Наплата на стока/услуги
5.2.1 Наплатата на стоки и услуги продадени на купувачите преку Платформата се врши преку наменска сметка за заштита на парични средства на корисници на Ананас отворена кај Банка– давател на платежни услуги по избор на Ананас, врз основа на инструкции на купувачот.
5.2.2 Посредничкиот надомест (со пресметан ДДВ) се наплатува со задолжување на уплатениот износ на вредноста на стоките/услугите од страна на купувачот од наменската сметка за заштита на парични средства на корисници на  Ананас отворена кај Банката– давател на платежни услуги по завршување на периодот на одложено плаќање. Преносот на преостанатиот износ на средства што му припаѓаат на Трговецот ќе се изврши по завршување на периодот на одложено плаќање, и тоа најдоцна во рок од 30 дена од денот кога е извршена наплатата.
5.2.3 Ананас ги прима паричните средства за Трговецот на неговата наменска сметка за заштита на парични средства на корисници отворена кај Банката– давател на платежни услуги, и понатаму ги извршува согласно налог на купувачот со посредство на Платформата, и врз основа на овие Општи услови.
5.2.4 Во случај на рекламација во врска со платежна трансакција од Трговецот, Трговецот покрај обраќањето до Ананас, може да се обрати и до неговата деловна банка, на чие барање се утврдува текот на трансакцијата на паричните средства примени од купувачот, т.е. задолжувањето на платежната картичка на купувачот. Ананас е должен да обезбеди најдобри напори  Банката– давател на платежни услуги да одговори на барањата добиени од деловната банка на Трговецот во договорениот рок.
5.2.5 Врз основа на насоките и овластувањето од Купувачот, со посредство на Банката– давател на платежни услуги, Ананас ќе изврши наплата на целокупната вредност на стоките/услугите така што:
a) ќе се примаат уплати од купувачите со прифаќање на платежни картички и/или други платежни инструменти преку сервисите поддржани од страна на Банка – давател на платежни услуги по избор на Ананас;
b) во случај на купување стока/услуги и избор на опцијата „плаќање при достава“ од страна на купувачот, ќе се примат средства со посредство на курирска служба, односно друг овластен субјект кој доставува стока односно дава услуги на купувачот, по испраќањето на откупните пратки - стока. Преносот на средства ќе се изврши на посебната наменска сметка за заштита на парични средства на корисници на Ананас отворена кај Банка – давател на платежни услуги по избор на Ананас. 
5.2.6 Трговецот се согласува Ананас да изврши наплата на своето побарување врз основа на посреднички надомест со ДДВ, од наплатениот износ на вредноста на стоката/услугата, а преостанатиот дел од наменската сметка за заштита на парични средства на корисници да се пренесе на сметка на Трговецот најдоцна во рок од 30 дена од денот кога е извршена наплатата.

5.3. Стока/услуги
5.3.1. Трговецот самостојно ја формира и одредува цената на стоките/услугите.
5.3.2. Ананас има право привремено или трајно да отстрани стоки/услуги од Платформата и да преземе други активности кон Трговецот за кои смета дека се оправдани доколку Трговецот на кој било начин учествува во активности кои за цел или последица имаат или можат да имаат ограничување, нарушување или спречување на конкуренција, нечесен пазарен натпревар, се спротивни на добрите деловни обичаи и морал или претставуваат некој друг вид на недозволено постапување.
5.3.3. Трговецот е должен да ги решава сите рекламации на купувачите во согласност со Законот за заштита на потрошувачите и другите релевантни прописи. Кога рекламација на купувач ќе биде изјавена до Ананас, Ананас без одлагање ќе го извести Трговецот за тоа, преку Платформата, кој е должен да пристапи кон решавање на рекламацијата во согласност со постапката и роковите пропишани со позитивните прописи на Република Северна Македонија. 
5.3.4. Ананас се обврзува дека без одлагање ќе го извести Трговецот за сите правни барања на купувачот, кои се однесуваат на стоките/услугите. Во случај на поведување судска или друга постапка од страна на Купувачот против Ананас, Ананас ќе го информира Трговецот за тоа, а Трговецот се обврзува дека ќе се вклучи во секоја постапка до која ќе дојде како резултат на какво било барање или приговор од купувачите, а во врска со сообразност, квалитет, исправност и/или (не)исправност на стоката/услугата што Трговецот ја продава преку Платформата. Трговецот е должен и се обврзува дека секогаш и без исклучок ќе се вклучи во разговори и медијација со купувачите за да не дојде до судски постапки. 
5.3.5. Трговецот, како сопственик на стоката, е одговорен за квалитативната и квантитативната состојба на стоката, доколку истата е преземена за испорака во спакувана состојба која ја штити од оштетувања, до моментот кога ќе му биде предадена на купувачот. Трговецот го сноси ризикот од случајно губење на предметот до предавањето на стоката на курирската служба.

5.4. Состојба на Стоката
5.4.1. Трговецот е должен стоката/услугата што ја нуди и продава секогаш да ја има во состојба и во количина доволна да го исполни договореното време на испорака/извршување. Доколку сепак се случи предметната стока/услуга да ја снема на залиха (out of stock), Трговецот е должен да го извести Ананас за тоа најдоцна во рок од 12 часа од моментот на снемување на залихата. Трговецот е должен повторно да ја обезбеди стоката/услугата во соодветната состојба и количина во најкраток рок, во спротивно Ананас има право привремено или трајно да го исклучи предметниот производ од понудата на Платформата. Трговецот е должен да обезбеди доволно залихи на стока/услуги во текот на договорените промотивни активности. Доколку Трговецот остане без некој производ, тој е должен за ова веднаш да го извести Ананас во електронска форма. Во случај Трговецот да не постапи во согласност со овие свои обврски, тој е должен да му ја надомести на Ананас целата евентуално претрпена штета, трошоци и/или казни и/или други парични износи изречени на Ананас и на одговорното лице на Ананас во постапката покрената против Ананас.
5.5. Информации за стоката/услугите
5.5.1. Трговецот е должен да постави целосни и вистинити информации за стоките/услугите, како и соодветни фотографии на стоката или опис на услугата во согласност со овие Општи услови, кориснички упатства и важечки прописи на Република Северна Македонија, на одредено место за тоа на Платформата. Трговецот е одговорен за фотографиите и сите други елементи од презентацијата и понудата на стоката што ги доставува на Ананас. Во описот на стоката мора да бидат истакнати сите задолжителни елементи пропишани со позитивните прописи на Република Северна Македонија, вклучувајќи, но не ограничувајќи се на декларации, знаци, предупредувања, упатства и слично. 
5.5.2. Кога Трговецот ќе ги постави сите елементи поврзани со стоките/услугите на Платформата, Ананас ќе ги провери прикажаните елементи и, доколку ги смета за прифатливи, ќе одобри прикажување и нудење на стоките/услугите на Платформата. Трговецот му дава овластување на Ананас да користи и прикажува фотографии од стоки/услуги на Платформата. Во согласност со својата деловна политика, Ананас може да ја корегира содржината на описот и спецификациите на стоките/услугите или да додава фотографии од истиот производ, со подобра резолуција, така што содржината ќе биде во согласност со важечките прописи на Република Северна Македонија. 
5.5.3. Трговецот е должен да ја истакне цената со сите елементи во согласност со Законот за трговија и другите релевантни прописи на Република Северна Македонија веднаш до приказот на стоките/услугите на платформата.
5.5.4. Трговецот нема право да поставува врски (линкови) што водат до други интернет страници освен до оние што служат исклучиво како дополнителен опис на Стоките/Услугите на Платформата, а Ананас го задржува правото да ги отстрани таквите врски (линкови) или друга недозволена содржина на Платформата.

6. ПРИДРУЖНИ УСЛУГИ

6.1.2. Курирската служба ангажирана од Ананас ќе врши испорака на стока од адресата на Трговецот до адресата што ја одредил купувачот и/или од адресата на складиштето на Ананас до адресата што ја одредил купувачот за стоката што ја складира Ананас, а според договор со Трговецот. За достава ќе се применуваат комерцијалните цени на Ананас МК.
6.1.3. Рокот за испорака за 3П трговци е од 1-3 работни дена. Испорака следен ден е само за "Ананас директ" пратки, односно пратки коли се испорачуваат од магацинот на Ананас.
6.1.4. Курирската служба ангажирана од Ананас ќе ги почитува законските обврски предвидени за даватели на поштенски услуги, вклучително и обврската за неповредливост на поштенските пратки.

6.2. Рекламирање
6.2.1. Услугата за рекламирање на Платформата се обезбедува на барање на Трговецот и по одобрување на тоа барање од Ананас. Услугата на рекламирање, како и учеството во други промотивни активности е предмет на посебен договор помеѓу Ананас и Трговецот.
6.2.2. Договорните страни согласно констатираат дека за услугите на рекламирање на стоките/услугите на Трговецот што Ананас ги спроведува со цел да ја промовира Платформата, вредноста на надоместокот за таквите услуги на рекламирање е вклучена во надоместокот за посредување.
6.2.3. Во случај на спроведување на маркетинг кампањи и промотивни активности спроведени од Ананас, а кои не подразбираат финансиско ангажирање на Трговецот, Трговецот се согласува да биде известен за таквите активности по електронски пат од Ананас во рок не пократок од 5 работни дена пред денот на почетокот на реализација на активноста.
6.3. Складирање и манипулација со роба 
6.3.1. Ананас, во рамки на своите деловни активности, меѓу другото, обезбедува услуги за складирање со сите придружни услуги, во своето складиште лоцирано во Мултифункционална Зона Ќојлија, Ул. 9 бр. 4, 1043 Петровец, Скопје, и тоа:  

6.3.2. Ананас се обврзува дека ќе му даде на Трговецот корисничко упатство за правилно и технички сигурно постапување во врска со секоја од услугите наведени во претходниот став и тоа со поставување на тие упатства на соодветни места на Платформата. Трговецот се обврзува дека ќе постапува во согласност со упатствата што ги добива од Ананас.    
6.3.3. Трговецот се обврзува дека ќе има обврска да го организира транспортот на стоката до складиштето на Ананас со претходна најава што се врши на Платформата. Во случај Трговецот да не биде во можност самостојно да го организира транспортот, начинот на понатамошно постапување е предмет на посебен договор со Ананас.
6.3.4. Трговецот има обврска на соодветен начин да ја подготви стоката за транспорт за да пристигне во складиштето на Ананас во непроменета состојба. Исто така, Трговецот има обврска секоја пратка да ја означи со налепници кои ќе ги содржат сите потребни податоци, а кои ќе бидат достапни преку Платформата, на начин што ќе овозможи правилен прием во складиштето, без оглед на количината на стоката во пратката.
6.3.5. Преку Платформата, трговецот во секое време ќе може да ја следи моменталната состојба на стоката во складиштето. Магационерот е одговорен за штетата предизвикана од неговите активности - пропусти како магационер.
6.3.6. Ананас се обврзува дека ќе го извести Трговецот за разликата во количините при приемот, доколку тие се разликуваат од најавените, како и во случај на оштетена или стока од поврат (рекламации). Освен тоа, Трговецот се обврзува на навремена усна и писмена (електронска) комуникација со претставниците на Ананас со цел адекватно спроведување на услугите, а во случај на вонсудско (мирно) решавање на споровите на купувачите и на физичко или „онлајн“ присуство на свој претставник со цел да се постигне задоволително решение за двете страни.
6.3.7. Ананас, врз основа на примените рекламации и изјави за повлекување од договорот ќе организира преземање, прием и складирање на стоката. Врз основа на наведените активности, Ананас ќе го извести Трговецот за статусот и состојбата на стоката, и ќе се договори за натамошно постапување.

7. ДРУГИ УСЛУГИ 

7.1. Услуги од областа на електронска трговија и заштита на потрошувачи
7.1.1. Ананас обезбедува и придружни услуги од областа на електронската трговија и заштита на потрошувачите кои овозможуваат непречено и ефикасно функционирање на електронската трговија и остварување на правата на потрошувачите, а имајќи ги предвид особено законските обврски на Трговецот со кој потрошувачот директно склучува договор за продажба на стока, односно давање услуги. 
7.1.2. Овие услуги на Ананас се обезбедуваат за потребите на Трговецот, а особено се однесуваат на: информирање на потрошувачите, рекламации, спроведување на правото на потрошувачот да се повлече од договорот, помош при решавањето на приговорите на потрошувачите, вонсудско решавање на потрошувачки спорови, како и остварување на задоволително ниво на корисничко искуство на потрошувачите и Трговците. 
7.1.3. Со цел да се избегнат какви било сомнежи со обезбедување на предметните услуги, Ананас не презема каква било обврска, ниту каков било надомест, долг или трошок на Трговецот поврзан со регулирање на односот помеѓу Трговецот и потрошувачот (купувачот).
7.1.4. Ананас се обврзува дека ќе му даде на Трговецот корисничко упатство за правилно и технички безбедно постапување во врска со секоја од овие услуги и тоа со поставување на тие упатства на соодветни места на Платформата, а Трговецот се обврзува дека ќе постапува во согласност со нив.    
7.1.5. Врз основа на достапните информации, Ананас спроведува информирање на поединечни потрошувачи во врска со реализација на нивните права, статусот на примените рекламации, изјавите за повлекување од договор и слично.
7.1.6. Ананас ќе прима рекламации и изјави за повлекување од договор и без одлагање ќе ги стави на располагање на Трговецот за да продолжи да ги спроведува сите свои законски пропишани обврски.
7.2. Издавање на потребна документација согласно позитивните прописи од областа на готовинските плаќања во врска со извршениот промет на стоки и услуги продадени преку Платформата 
7.2.1. Договорните страни согласно ја констатираат примената на Законот за регистрирање на готовински плаќања, односно обврската за издавање на потребната документација согласно позитивните прописи од областа на готовинските плаќања во врска со извршениот промет на стоки и услуги продадени преку Платформата. Бидејќи трговецот е сопственик на стоката/услугата што ја продава, Трговецот има законска обврска да му издаде потребна документација согласно позитивните прописи од областа на готовинските плаќања на купувачот за продадената стока/услуга. Имајќи го предвид наведеното, при воспоставување деловен однос со Ананас, односно при склучување на Договор, Трговецот презема обврска самостојно да ја издава потребната документација согласно позитивните прописи од областа на готовинските плаќања за сите производи/услуги продадени преку Платформата. Обврска на Трговецот е да ја спакува потребната документација согласно позитивните прописи од областа на готовинските плаќања (во печатена форма) заедно со нарачаниот производ во пратката и на тој начин да ја достави до купувачот. Цената на производот/услугата на издадената документација согласно позитивните прописи од областа на готовинските плаќања на Трговецот е истоветна со цената на производот/услугата понуден на Платформата, а по која купувачот ги нарачал производот/услугата. Секое несовпаѓање во однос на цената на производот на издадената документација согласно позитивните прописи од областа на готовинските плаќања е одговорност на Трговецот. 
7.2.2. Во моментот на преземање на пратката од страна на курирската служба, Платформата го произведува документот Потврда за купување, кој Трговецот го добива по е-пошта и на неговата сметка на merchant порталот. 
7.2.3. Во случај на неуспешна испорака, изгубена и оштетена пратка, прифатено откажување и прифатена рекламација, Платформата го произведува документот Налог за рефундирање и го доставува до Трговецот на начинот опишан во претходниот став, а Трговецот во тој случај има обврска да издаде потребен документ согласно позитивните прописи од областа на готовинските плаќања тип трансакција за рефундирање, која се доставува електронски на адресата podrska@ananas.mk заради натамошно праќање до купувачот по е-пошта.
7.3. Ангажирање на трети лица
За давање одредени услуги и активности од Договорот и овие Општи услови, освен за активности на посредување, како и за одржување и администрирање на Платформата, Ананас има право да ангажира трети лица - подизведувачи без претходна писмена согласност на Трговецот, со тоа што Ананас останува одговорен пред Трговецот за изборот и работата на тие трети лица, како и за почитувањето на одредбите од Договорот и овие Општи услови од страна на тие лица, а Трговецот го овластува Ананас во мерка до која Ананас смета дека е оправдано и целисходно да ги запознае тие трети лица со содржината на овој Договор, содржината на Платформата која се однесува на Трговецот, како и за правата и обврските на Договорните страни.

8. НАДОМЕСТИ
 

8.1. Договорните страни се согласуваат дека за активностите на посредување според Договорот, на Ананас му припаѓа надомест за посредување (во натамошниот текст: Посреднички надомест), што го плаќа Трговецот согласно Договорот за посредување при продажба на стока и услуги и за придружни услуги. Во износот на надоместокот на Трговецот е пресметан и фактуриран ДДВ.  
8.2. Придружни услуги од областа на електронска трговија и заштита на потрошувачите, како и услуги за репродукција и печатење на документација согласно позитивните прописи од областа на електронската трговија, заштита на потрошувачите и организација на плаќања и слично, кои се вршат со издавање и креирање преку софтверски алатки и оперативни решенија на Платформата, како и услуги за складирање и манипулација со стока се обезбедуваат во рамки на услугите на посредување.

9. ОДГОВОРНОСТИ И ОБЕШТЕТУВАЊА

9.1. Ананас одговара за почитување на своите обврски врз основа на склучениот Договор со Трговецот и овие Општи услови. Во случај на прекршување и непридржување кон нив, тој е должен да му ги надомести на Трговецот сите направени штети и трошоци. 
9.2. Трговецот сноси целосна и исклучива одговорност во врска со стоките/услугите, нивните својства и недостатоци, за почитување на своите обврски врз основа на склучениот Договор со Ананас и овие Општи услови, како и важечките прописи на Република Северна Македонија, и во случај на каков било пропуст, прекршување или непридржување до тие обврски е должен да му ја надомести на Ананас целата направена штета и трошоци.
9.3. Договорните страни се согласуваат дека Трговецот целосно ќе му ги обештети и надомести на Ананас и неговите одговорни и овластени лица сите надомести и трошоци и сите плаќања или други материјални трошоци направени по која било основа во случај на прекршување на обврските, изјавите и гаранциите на Трговецот од Договорот, овие Општи услови, како и врз основа на прекршување на прописите од страна на Трговецот поврзани со стоката/услугите и нивна продажба и предавање, односно обезбедување до купувачот.
9.4. Доколку настапат конкретните случаи наведени во следната табела, средствата што му се наплатени на купувачот ќе му бидат рефундирани, а на Трговецот со книжно одобрениее ќе му биде одобрен надомест за посредување во согласност со наведеното. Доколку се работи за изгубени и оштетени производи при процесот на достава, како и прифатени рекламации кои подразбираат вина на курирската служба или Ананас за оштетување/загуба на производот, Трговецот ќе му ја фактурира на Ананас малопродажната вредност на производот.

МПЦ - малопродажна цена на производот
ТД – трошок за достава
9.5. Книжно одобрение се издава на месечно ниво со рок на доспевање од 30 дена и се доставува до трговецот по е-пошта или со поставување на соодветно место на Платформата што е достапно на увид за Трговецот.
9.6. Во случаите наведени во табелата, обврска на Трговецот е да изврши рефундација на средствата на купувачот во висина на малопродажната вредност на производот (а трошокот за достава до купувачот го рефундира курирската служба ангажирана од Ананас). Доколку средствата на купувачот се уште на наменската сметка за заштита на парични средства на корисници на Ананас отворена кај Банката – давател на платежни услуги Ананас ќе му ја врати соодветната сума на купувачот, за што ќе биде известен Трговецот. По преносот на средствата на сметката на Трговецот, Трговецот директно ќе му ги врати парите на купувачот.
9.7. Напомена: Во случаите 1, 3 и 4 од Табелата, средствата не се рефундираат на купувачот доколку се работи за нарачка за која купувачот требало да изврши уплата при доставата.
9.8. За сите стоки кои се вратени на трговецот или на Ананас поради неуспешна испорака, откажување на купувањето или е испорачана погрешна стока на купувачот, Трговецот се обврзува дека ќе прифати поврат на стоката, а трошоците за поврат на погрешно испорачана стока поради одговорност на Трговецот ќе ги сноси Трговецот. Услугата за повторна испорака на стока која требало да биде испорачана на купувачот, а не била испорачани поради одговорност на Трговецот, паѓа на товар на Трговецот.
9.9. Ананас стекнува право на надомест и во случај на откажано купување од причина што Трговецот ја немал стоката на залиха во своето складиште, а за тоа не го известил навремено Ананас.

10. ИНТЕЛЕКТУАЛНА СОПСТВЕНОСТ

10.1. Авторските права и сите други права на интелектуална и/или индустриска сопственост на секоја договорна страна или кое било трето лице во секое време остануваат во исклучива сопственост на таа договорна страна, односно на кое било трето лице, и која било од договорните страни не стекнува какви било права во врска со тие права на другата договорна страна, односно на кое било трето лице. 
10.2. Платформата, нејзината содржина и изглед, софтверот и сите податоци на неа се сопственост на Ананас или на овластените производители на софтвер и со овие Општи услови не се создава, конституира, ниту се пренесува кое било од тие сопственички права или авторски, ниту други права на интелектуална/индустриска сопственост на Трговецот.
10.3. Трговецот му гарантира на Ананас дека при извршувањето на неговите договорни права и обврски нема да користи или на друг начин да повреди ничии авторски права, ниту други права на интелектуална и/или индустриска сопственост, како и дека на неговите поставки на Платформата нема да има такви права на трети лица, и се обврзува да му ја обезбеди на Ананас сета правна заштита и да му ги надомести сите трошоци и надоместоци што би паднале на товар на Ананас во случај на постоење на барања од трети лица во однос на наведените права. 
10.4. Без исклучување на одредбите од став 1 на овој дел и во согласност со потребите за извршување на Договорот и овие Општи услови, Трговецот му дава на Ананас бесплатна лиценца, без просторно и временско ограничување, да може да ја користи трговската марка на стоката/услугите, како и да може да користи и да пренесува на трети лица сè и кои било видео, аудио, текстуални и/или електронски записи и податоци кои се поставени на Платформата во врска со стоката/услугите или на друг начин се однесуваат на стоката/услугите на Трговецот, а со цел исполнување на договорните права и обврски, како и комуникација и регулирање на односите кои Ананас ги има или би можел да ги има со купувачите.

11. ВИША СИЛА

11.1. Која било договорна страна нема да одговара за неможноста за исполнување на обврските од овој Договор, доколку неисполнувањето е непосредно предизвикано од виша сила. Која било договорна страна која се повикува на виша сила како причина за неисполнување е должна да ја докаже непосредната причина, како и дека се преземени разумни чекори да се намали одлагањето и штетата предизвикана од настаните од денот на сознанието за таквите настани, како и дека другата договорна страна е навремено информирана за околностите за кои тврди дека претставуваат основа за исклучување на одговорноста во согласност со одредбите на овие Општи услови.
11.2. Виша сила, во смисла на овие Општи услови, означува настан надвор од контрола на договорната страна, која била погодена од тој настан без своја вина или невнимание и кој не можел да се предвиди или спречи дури и со максимална претпазливост на договорната страна. Настаните на виша сила го вклучуваат следното: акти на природата (вклучувајќи пожар, поплава, земјотрес, бура или некоја друга природна катастрофа), епидемија, штрајк, побуна, војна, инвазија, терористички акти, воена или друга узурпација на политичка моќ или одземање на имот (конфискација), национализација, владини санкции или ембарго, одлуки на надлежни органи, снемување струја, вода, гориво или каков било друг прекин на снабдувањето со јавни услуги, интернет или комуникациски врски, прекин на обезбедувањето услуги од страна на трети лица од кои зависи работењето и функционалноста на Платформата или други вонредни настани надвор од контрола на договорните страни.
11.3. Доколку вишата сила трае подолго од 30 дена, која било договорна страна го задржува правото еднострано да го раскине Договорот со непосреден ефект, освен доколку договорните страни писмено не се договорат поинаку.

12. ОБРАБОТКА НА ЛИЧНИ ПОДАТОЦИ

12.1. Трговецот се обврзува да ги чува сите лични податоци на трети лица кои ќе му бидат откриени на Трговецот од страна на Ананас за времетраењето на овој Договор како доверливи податоци во смисла на следниот дел од овие Општи услови. Во таа смисла, Трговецот се обврзува да ги преземе сите потребни организациски, технички и други неопходни мерки со цел да ги заштити од откривање личните податоци, а што му ги открил односно му ги доставил Ананас, како за времетраењето на Договорот, така и по неговото истекување, а во согласност со Законот за заштита на лични податоци („Службен весник на Република Северна Македонија“ бр.42/20 и 294/21), неговите подзаконски акти, како и донесените одлуки на Агенцијата за заштита на личните податоци.
12.2. Во случај личните податоци да бидат откриени на трето лице без изрична писмена согласност од Ананас, Трговецот презема обврска веднаш да го информира за тоа Ананас и да ги преземе сите неопходни мерки за да спречи понатамошно откривање односно злоупотреба на личните податоци. Во случај на повреда на одредбите од овој дел, Ананас има право веднаш да го раскине овој Договор, да бара надомест на штета од Трговецот, а сето имајќи предвид дека Трговецот останува целосно одговорен пред Ананас и сите трети страни за целокупната штет
12.3. Бидејќи Трговецот и Ананас собираат, обработуваат и меѓусебно разменуваат лични податоци на купувачите, заради склучување и исполнување на договорот за купување на стоки односно давање услуги (а кој е склучен помеѓу Трговецот и купувачот со посредство на Ананас) и со цел овозможување и остварување на законските права на купувачите (право на повлекување од склучениот договор за продажба на стоки односно давање услуги, право на поднесување рекламација и остварување на право во врска со тоа), Трговецот и Ананас го регулираат нивниот однос со Општите услови за деловно работење во смисла на одредбите од член 30 од Законот за заштита на личните податоци („Службен весник на Република Северна Македониај“, бр. 42/20 и 294/21), бидејќи тие дејствуваат во својство на заеднички контролори на личните податоци.
12.4. Во таа смисла, Договорните страни договараат меѓусебна соработка, која вклучува рекламирање и продажба на производите на Трговецот на Платформата, односно подразбира воспоставување директен однос помеѓу Купувачот (физичко лице) и Трговецот, со посредство на Платформата. Во таа прилика, Купувачот ги открива своите лични податоци на Платформата и тоа заради склучување и извршување на договорот за продажба на стоки или давање услуги склучен со Трговецот, односно заради остварување на законските права (право на повлекување од договорот, право на поднесување рекламација, поврат на стоката/платената цена)
12.5. Со цел Ананас да ги исполни своите обврски преземени со договорот кон Трговецот (извршување на договорот за продажба на стока односно давање услуги), односно со цел Трговецот да овозможи извршување на договорот за продажба на стока (на пр. испорака на стока), Договорните страни меѓусебно разменуваат лични податоци на купувачите. Дополнително, со цел Ананас и Трговецот да обезбедат остварување на законските права на купувачите (право на повлекување од склучениот договор, право на поднесување рекламации, право на враќање на платената цена итн.) и договорните обврски кон купувачот (испорака на стока), Договорните страни исто така меѓусебно разменуваат лични податоци на купувачит
12.6. Имајќи го предвид наведеното, Ананас и Трговецот, во својство на заеднички ракувачи, ги обработуваат личните податоци на купувачите за следните цели:
a) извршување на склучениот договор за продажба на стока/услуги меѓу Трговецот и купувачот (на пр. испорака на стока на адреса);
b) овозможување и реализација на правото на повлекување од склучениот договор за продажба на стока/услуги меѓу Трговецот и купувачот;
c) овозможување и реализација на правото на поднесување рекламација во однос на купената стока односно обезбедената услуга врз основа на склучениот договор за продажба на стока/услуги меѓу Трговецот и купувачот (вклучително враќање на стоката и платената цена), и остварување на сите права во врска со рекламацијата;
d) исполнување на сите доfrosinaговорни обврски на Ананас кон Трговецот. 
12.7. Договорните страни во својство на заеднички контролори ги обработуваат следните лични податоци на купувачите: име, презиме и пол; адреса на живеалиште/адреса за испорака на стоката (улица и број, поштенски број и место); број на мобилен телефон/број на фиксен телефон; адреса на е-пошта (во натамошниот текст сите горенаведени податоци заедно се означени како: Податоци).
12.8. Договорните страни се согласуваат дека за сите должности и дејствија поврзани со правата на купувачите дефинирани во членовите 16 - 27 од Законот за заштита на личните податоци (вклучувајќи го правото на известување за обработка, правото на увид и копија, правото на исправка, правото на бришење податоци, правото на преносливост на податоците и правото на приговор) ќе биде задолжен Ананас, што значи дека Ананас ќе биде одговорен за остварување на правата на лицата чии лични податоци ги обработуваат Договорните страни. Лицето задолжено за должностите и дејствијата во врска со правата на купувачите дефинирани во членовите 16-27 од Законот во рамките на Ананас МК е Денис Ампов, со податоци за контакт: denis.ampov@ananas.mk. Заедничките контролори ќе ги обработуваат личните податоци на купувачите во рокот дефиниран со секоја поединечна Политика за приватност.
12.9. Известување за обработката на лични податоци за законски застапници/лица за контакт/овластени лица на Трговецот
12.9.1. Имајќи предвид дека Трговецот е правно лице односно претприемач, овој дел од Општите услови се однесува на обработката на личните податоци на законскиот застапник/лице за контакт/овластено лице на Трговецот кој го склучил Договорот со Ананас во име и за сметка на Трговецот. 
12.9.2. Имено, Ананас ги собира, обработува и чува во својата база на податоци личните податоци на законскиот застапник/лице за контакт/овластено лице на Трговецот и тоа за следните цели:
12.9.2.1. склучување и извршување на Договорот (вклучително преддоговорната фаза), 
12.9.2.2. за водење комуникација преку е-пошта и телефон заради склучување и извршување на Договорот, 
12.9.2.3. одржување на деловната соработка, 
12.9.2.4. заради овозможување на купувачите да ги остварат своите законски права дефинирани со Законот за заштита на потрошувачите.
12.9.3. Во наведените случаи, Ананас ги обработува следните лични податоци на законскиот застапник/лице за контакт/овластено лице на Трговецот: име, презиме и пол; адреса на е-пошта; телефон за контакт; назив на работното место (заедно означени како: Лични податоци).
12.9.4. Кога Личните податоци се обработуваат за наведените цели, давањето на Лични податоци за законскиот застапник/лице за контакт/овластено лице на Трговецот претставува договорна обврска, односно давањето на Лични податоци во тој случај претставува неопходен услов за склучување на Договорот, поради што законскиот застапник/лицето за контакт/ овластеното лице на Трговецот има обврска да им ги открие Личните податоци на вработените во Ананас. Во спротивно, Ананас нема да може да го склучи и изврши Договорот
12.9.5. Бидејќи Ананас ги обработува Личните податоци врз основа на склучен Договор, Личните податоци се чуваат во базите на податоци на Ананас две години од датумот кога Договорот ќе престане да важи. Потоа, Личните податоци се бришат од базата на податоци на Ананас. Од друга страна, Личните податоци кои се обработуваат заради остварување на правата на купувачите од Законот за заштита на потрошувачите, Ананас ги чува во базите на податоци до истекот на рокот дефиниран со закон (две години од денот на испорака на стоката до купувачот, односно во рок од две години од денот на поднесување на рекламација), бидејќи тогаш основа на обработката е исполнувањето на правните обврски на Ананас односно Трговецот кон купувачите
12.9.6. Во секое време, законскиот застапник/лицето за контакт/овластеното лице на Трговецот може да го побара следново: 1) пристап до Личните податоци, 2) исправка на Личните податоци, 3) бришење на Личните податоци. Покрај тоа, може да се остварат и следните права: 1) право на ограничување на обработката на личните податоци, 2) право на преносливост на Личните податоци, и 3) право на поднесување жалба до Повереникот за информации од јавно значење и заштита на личните податоци. За да ги остварите сите права (освен правото да поднесете жалба до надлежниот орган), можете да се обратите на адреса на е-пошта: denis.ampov@ananas.mk.
12.9.7. Трговецот е согласен Ананас да ги открие Личните податоци на лица ангажирани од Ананас за извршување на услугата заради која е склучен Договорот (на пр. превозници/курири кои треба да ја транспортираат и испорачаат стоката од Трговецот до купувачот), поврзани лица со Ананас на територијата на Република Северна Македонија, вработени во Ананас, центри за повици кои обезбедуваат помош на Ананас за целите на функционирање на платформата, друштва кои обезбедуваат простор, имот и лица, даватели на правни услуги, ИТ сервисери, надворешни ревизори, сметководствени и книговодствени агенции, и надворешни соработници кои овозможуваат извршување на договорните обврски на Ананас кон Трговецот.
12.9.8. Во согласност со одредбите од Законот за заштита на личните податоци („Службен весник на Република Северна Македонија“, бр. 42/20 и 294/21), овој дел од Општите услови претставува Известување за обработка на личните податоци, во смисла на одредбите од член 17 од Законот за заштита на личните податоци. Во врска со тоа, ќе се смета дека на овој начин Ананас ја исполнил својата законска обврска кон законскиот застапник/лице за контакт/овластено лице на Трговецот.
12.9.9. Дополнително, при креирање на профил на Трговецот на платформата Ананас, потребно е законскиот застапник/лицето за контакт/овластеното лице на Трговецот да му открие одредени лични податоци на Ананас. Во однос на обработката на личните податоци за наведената цел, законскиот застапник/лицето за контакт/овластеното лице на Трговецот може да најде повеќе информации за обработката во рамките на Политиката за приватност, која е достапна на Платформата во секое време.

13. ЗАШТИТА НА ДОВЕРЛИВИ ПОДАТОЦИ

13.1. За време на важноста на Договорот, Договорните страни можат да се најдат и во својство на Даватели на информации и во својство на Приматели на информации.
13.2. Овој дел од Општите услови ги регулира меѓусебните права и обврски на Договорните страни во врска со користењето на Доверливите информации од страна на Примателот на информации. Одредбите од овој дел важат и се применуваат за целото времетраење на договорниот однос на Договорните страни, со исклучок на обврската на Примателот на информации во однос на чување на Доверливите информации, која останува во сила и за време на важноста на овој Договор и по неговиот престанок, без никакво временско ограничување.
13.3. Договорните страни се согласуваат дека:
13.3.1. во времето на склучување на Договорот, Договорните страни поседуваат одредени доверливи информации кои претставуваат деловна тајна;
13.3.2. постои потреба Договорните страни да имаат пристап до тие информации и да ги користат тие информации за целите на преговарање и/или извршување работи според договор за деловна соработка/давање услуги што евентуално ќе се склучи меѓу Договорните страни;
13.3.3. Договорните страни се подготвени да си овозможат една на друга пристап и користење на тие информации под условите од Договорот;
13.3.4. овој дел од Општите услови служи исклучиво за целите на регулирање на меѓусебните односи на Договорните страни по прашањата на доверливите информации и не дава какви било права на кое било трето лице;
13.3.5. поимите што се користат во овој дел на Општите услови се толкуваат на начин дефиниран во овој документ
13.4. Со прифаќањето на овие Општи услови: 
13.4.1. ниедна од Договорните страни не се ограничува на каков било начин во своето делување;
13.4.2. не се создава обврска која било од Договорните страни да достави до другата Договорна страна каков било податок, ниту да склучи каков било друг договор, ниту која било од Договорните страни дава гаранции за комплетноста и точноста на дадените податоци;
13.4.3. не се воспоставува каков било однос на ексклузивност меѓу договорните страни.
13.5. Доверливи информации се сите информации за или во врска со Давателот на информации или неговите поврзани лица и за неговата дејност или неговите поврзани лица, вклучувајќи, но не и ограничувајќи се на следното: деловни податоци, планови, финансиски проекти и резултати, информации за маркетинг стратегија, потрошувачи, деловни партнери и комитенти на друштво, организација на трудот, технолошки процеси, комерцијално работење и информации за личните примања, заработка и лични податоци на вработените, како и други документи и податоци чие откривање на неовластени лица, поради нивната природа, значење и карактер, би било спротивно на успешното работење на Давателот на информации и би штетело на неговите интереси и деловен углед, вклучително и целокупното know-how на Давателот на информации или неговите поврзани лица изразено во материјална или која било друга форма, како и сè што лично Примателот на информации го развива за време на соработката со Давателот на информации и се ексклузивно право на Давателот на информации. На пример, без никакво ограничување, Доверливите информации може да бидат во форма на документи, разговори, во електронска форма, информации содржани во физички делови, модели, методологија, софтвер или материјални примероци.
13.6. Договорните страни се согласуваат дека со давањето на Доверливи информации на Примателот на информации од страна на Давателот на информации, или со обезбедувањето пристап до истите на Примателот на информации, или со нивното користење од страна на Примателот на информации не се менува сопственоста на Доверливите информации. Сопственик на тие Доверливи информации, освен во случај на поинаква писмена спогодба меѓу Договорните страни, е и останува Давателот на информации, а Примателот на информации стекнува само право да ги користи за време на важноста на овој Договор во согласност со условите на овој Договор. Истото важи и за правата на интелектуална сопственост на Доверливи информации - нивниот единствен и исклучив носител е и останува Давателот на информации.
13.7. Примателот на информации е должен да ги третира Доверливите информации како строго доверливи и, освен врз основа на претходна писмена согласност од Давателот на информации, да не ги открива или на кој било начин да ги става на располагање на трето лице. Сите форми на комуникација поврзани со овој дел, вклучувајќи, без ограничување, усна комуникација, телефон, електронска преписка, писмена деловна преписка, се опфатени со обврската за чување на доверливоста. Обврската за чување на доверливоста важи за целото време на важност на Договорот и по неговиот престанок без никакво временско ограничување.  
13.8. Примателот на информации е должен да ги преземе сите разумни мерки неопходни за зачувување на доверливоста на информациите, вклучувајќи, без ограничување, технички, кадровски и организациски мерки за заштита.
13.9. Примателот на информации е должен да обезбеди обврската за чување на доверливоста да ја почитуваат сите лица кои се вработени или на друг начин ангажирани од Примателот на информации, без разлика дали ангажманот е заснован на договор за вработување или каков било друг договор, како и сите тие лица да потпишат изјава за чување на доверливоста со која се обврзуваат да ја чуваат доверливоста во согласност со одредбите од овие Општи услови.
13.10. Договорните страни се согласуваат дека секое дејствие или пропуст на Примателот на информации, вклучително и кое било лице од претходниот став на овој дел, што е направено спротивно на одредбите дефинирани овде, се смета за повреда на доверливите податоци и дека Давателот на информации, во случај на секое такво прекршување, има право на надомест на штета (вклучувајќи ја вистинската штета и изгубената добивка), во согласност со Законот за заштита на деловна тајна, Договорот и овие Општи услови, а со што не се ограничува ниту исклучува кое било друго право што му припаѓа на Давателот на информации според Договорот или по законот. 
13.11. Во случај на престанок на важење на Договорот, без оглед на причината за престанок, Примателот на информации е должен, на писмено барање од Давателот на информации, да му ги врати на Давателот на информации или да ги уништи сите документи, писмени или електронски, како и сите други материјали кои претходно ги добил од Давателот на информации, во кои се содржани доверливи информации, како и да не прави копии и да ги врати или избрише и уништи постоечките копии од сите такви документи и други материјали и на барање да му издаде на Давателот на информации писмена потврда за тоа дека Доверливите информации, документи и копии од документи кои содржат Доверливи информации се вратени односно уништени.

14.  ПРЕСТАНОК НА ДОГОВОРОТ 

14.1. По престанокот (т.е. истекот, или при раскинувањето или откажувањето) на Договорот, престануваат договорните права и обврски на страните, освен оние права и обврски за кои е предвидено со одредени одредби од Договорот и/или Општите услови дека ќе важат и по неговиот престанок.
14.2. Без разлика на престанокот или видот на раскинување на Договорот, Трговецот е должен да ги исполни сите поставени нарачки за стоки/услуги, освен доколку Ананас не го извести поинаку за тоа писмено.

15. ЗАВРШНИ ОДРЕДБИ

15.1. На овие Општи услови е меродавно и применливо исклучиво правото на Република Северна Македонија.
15.2. Секоја договорна страна е должна без одлагање писмено да ја извести другата договорна страна за секоја промена на податоците релевантни за спроведувањето на Договорот.
15.3. Трговецот нема право да отстапува, пренесува или заложува кое било право или обврска од овој Договор без претходна писмена согласност од Ананас.
15.4. Секоја договорна страна ги сноси сопствените трошоци поврзани со склучувањето и/или извршувањето на овој Договор, освен доколку тоа не е поинаку регулирано за поединечни случаи со одредбите на овој Договор и неговите прилози. 
15.5. Примената на одредени одредби од Општите услови може да се исклучи само со експлицитна одредба во Договорот.
15.6. Во случај на какви било спорови поврзани со или врз основа на примената на овие Општи услови, за нивното решавање е надлежен суд во Скопје, Република Северна Македонија.
15.7. Овие Општи услови се усвоени и стапуваат на сила од 01.11.2023 година.
15.8. Овие Општи услови се составени на македонски јазик, а доколку постои превод на овие Општи услови на кој било друг јазик, единствената правно валидна верзија е верзијата на македонски јазик.