Како да го изберете вистинскиот фрижидер за вашата кујна

Купувањето нов фрижидер не е мала одлука. Тоа е инвестиција што ќе влијае врз вашето секојдневие, организација во кујната, сметките за струја – па дури и врз вашето расположение. Замислете само: секое утро го отворате фрижидерот и ве дочекуваат уредно организирана храна, ладна вода, свежо овошје, и веќе подготвен ручек. Тоа не е само удобност – тоа е паметен избор, а уште попаметен избор е да го нарачате онлајн, брзо и лесно, на Ananas.

За да го направите паметен избор, потребно е да знаете какви типови на фрижидери постојат, кој модел најдобро одговара на вашите потреби, кои брендови се најдоверливи, и што значи „енергетски ефикасен фрижидер“. 

Типови на фрижидери

Фрижидерот треба да одговара на вашите потреби, а не обратно. 
Првото прашање е – колку простор имате и колку луѓе го користат? Ако одговорите на овие две прашања, веќе сте на добар пат. Фрижидерите во главно може да бидат:

• Комбинирани фрижидери
• Двокрилни фрижидери
• Еднокрилни фрижидери
• Вградливи фрижидери
• Мини фрижидери 

Комбинирани фрижидери

За просечното семејство, комбинираните фрижидери се најчестиот избор – и со добра причина. Овие фрижидери имаат две одделни зони: едната за ладење, другата за замрзнување.

Идеални се ако готвите често, но не замрзнувате огромни количини на јадење. Замрзнувачот обично е доволен за пакети со зеленчук, неколку кутии сладолед и можеби некое месо – сѐ што ви треба за неделата.

Што е добро кај нив?
Овој тип е „балансиран“. Нуди доволно простор, и функционалност. Повеќето модели денес доаѓаат со No Frost технологија (значи нема веќе одмрзнување), електронски контроли, а дел и со внатрешно LED осветлување.

А каде може да ве ограничи?
Ако правите зимници или замрзнувате големи количини на храна, замрзнувачот брзо ќе се наполни. Исто така, некои модели имаат замрзнувач одозгора, што не е секогаш најпрактично.

Двокрилни фрижидери

Двокрилните фрижидери се големи, стилски и одлични ако имате повеќе луѓе во домаќинството. Поделени се на две комори - едната за ладење, а другата за замрзнување.

Што ќе добиете?
Навистина многу простор. На пример, можете да складирате лубеница без да ја сечете, или пак, цела тава со мусака. Освен тоа, многу модели доаѓаат со ледогенератор, филтер за вода, па дури и дигитални дисплеи – што ги прави идеални за модерни кујни.

Каде да внимавате?
Овој тип на фрижидери е голем и физички зафаќа доста простор, што значи потрошувачката на енергија е автоматски поголема. Ако кујната ви е компактна, ќе мора добро да измерите. Цените на двокрилините фрижидери се исто така значително повисоко од еднкрилните. 

Еднокрилни фрижидери

Еднокрилните фрижидери се едноставни и функционални. Совршени се ако веќе имате одделен замрзнувач или ако едноставно не ви ни треба замрзнувач.

Зошто се добар избор?
Ако имате мала кујна или барате резервен фрижидер, ова е првиот избор. Ќе ви овозможи организација без непотребен хаос. Плус, трошат многу малку струја.

Што ќе ви недостига?
Пред сé, замрзнувач. Капацитетот е исто така помал, што значи не е најдобар избор за семејства.

Вградливи фрижидери

Вградливите фрижидери се за оние што сакаат кујната да им изгледа беспрекорно. Се вградуваат во кујнскиот мебел и не се гледаат – сѐ е рамно, чисто и со минималистички изглед.

Што е одлично кај нив?
Пред сѐ – изгледот. Сите апарати се скриени, и целиот простор изгледа уредно и модерно. Плус, тие нудат сѐ што имаат класичните модели, а не се ни гледаат.

Но…
Монтажата бара внимание и мора да бидат точно измерени, до милиметар. Исто така, поскапи се од обичните модели, па треба да се размисли добро пред да се инвестира во вградлив фрижидер.

Мини фрижидери

Мини фрижидерите се мали, компактни и служат повеќе како поддршка отколку главен уред за ладење на храната и пијалокот. Совршени се за во соба, канцеларија, викендичка или дополнителна употреба.

Кога се вистински хит?
Кога немате многу простор, или едноставно ви треба нешто за пијалоци или ужина. Лесни се за преместување и не се гласни.

Што не можат да постигнат?
Не очекувајте да складирате неделни набавки. Немаат голем капацитет и најчесто немаат замрзнувач.

Кои брендови прават најдобри фрижидери?

Изборот на бренд никогаш не е случаен – најчесто зависи од лично искуство, препораки од пријатели, или едноставно од доверба изградена низ годините. Некои брендови се познати по издржливост, други по технологија, а трети по тоа што нудат најдобра вредност за вложените пари. Добрата вест е дека на Ananas ги имате сите на едно место.

LG фрижидери – Ако ви е важна тивка работа, минимална потрошувачка и паметни функции, LG е бренд што вреди да го земете предвид. Нивните модели често користат Inverter технологија, имаат современи дисплеи и се одлични за модерни кујни.

Samsung фрижидери – Инженерски паметни, визуелно привлечни и богати со функции. Ако сакате фрижидер што изгледа high-tech, со ледогенератор или можност за поврзување со мобилен, Samsung е вистинскиот избор. Особено се популарни Side-by-side моделите.

Beko фрижидери – Овој бренд нуди солидна функционалност по многу пристапна цена. Ако барате нешто што е едноставно, сигурно и енергетски ефикасно – без премногу дополнителни трикови – Beko е практичен избор за секој дом.

Gorenje фрижидери – Европска класика. Познати се по едноставен, но елегантен дизајн, и долготрајна изработка. Ако не ви требаат паметни функции, туку само сигурен фрижидер кој ќе трае со години – Gorenje има модели токму за тоа.

Electrolux фрижидери – Идеални ако цените дизајн и функционалност во едно. Electrolux моделите се често суптилни, минималистички и убаво се вклопуваат во секој ентериер. Плус, имаат добра енергетска ефикасност.

Кои дополнителни функции навистина вреди да ги имате?

Модерните модели на фрижидери доаѓаат со паметни решенија што ја прават употребата попрактична, попаметна и поефикасна. Еве неколку карактеристики на кои вреди да обрнете внимание:

No Frost технологија - значи дека фрижидерот сам се грижи внатре да не се создаде мраз – што значи константна температура и помалку влага. Исто така, ја продолжува свежината на храната.

Multi Air Flow систем - овозможува ладниот воздух да циркулира рамномерно низ целиот фрижидер, што значи храната останува свежа подолго.

Inverter компресор - ова е срцето на фрижидерот. Inverter моторите се многу потивки, поштедливи и подолготрајни. Работат паметно – не „брумкаат“ постојано, туку ја одржуваат температурата со оптимално трошење на енергија.

LED осветлување - добро поставено LED светло навистина го олеснува пребарувањето во фрижидерот и троши многу помалку енергија отколку класичните сијалици.

Ледогенератор / диспанзер за вода – ако пиете ладна вода или сакате мраз за коктели, оваа функција ќе ви биде омилена. Некои модели имаат и внатрешен резервоар, па воопшто не морате да го поврзете со водовод.

Smart функции / Wi-Fi поврзување – можност за онтролирање на температурата, известување доколку вратата остане отворена и многу други опции, директно преку мобилна апликација на вашиот телефон.

Како да знаете дали фрижидерот е енергетски ефикасен?

Кога купуваме фрижидер, прашањето околу порошувачката на струја најчесто го поставуваме на крај, кога всушност на долг рок, тоа е една од најважните работи. Еден фрижидер работи 24/7, 365 дена во годината. Тоа значи дека дури и мала разлика во ефикасноста може да значи значителна заштеда на сметки.

Како да препознаете енергетски ефикасен модел?

• Погледнете ја енергетската ознака – моделите обично се класифицирани од A (најефикасно) до G (најмалку ефикасно). Ако купувате нов фрижидер, барајте A, B или барем C класа.
• Inverter компресор – овие мотори трошат многу помалку електрична енергија и се потивки. Работат „паметно“ – не се вклучуваат и исклучуваат постојано, туку го одржуваат потребното ниво на ладење.
• No Frost систем – покрај што е практичен, тој помага и во подобра распределба на температурата и поефикасна работа.
• Големината е важна – ако сте едно лице, не ви треба 600 литарски модел. Поголемиот фрижидер значи и поголема потрошувачка.

Избор што трае со години

Изборот на фрижидер не е обична одлука – тоа е одлука што ќе влијае на вашето секојдневие, удобност, навики и дури и на вашата месечна сметка за струја. Затоа, важно е да не брзате. Запрашајте се:

• Колкав капацитет ми треба?
• Ќе замрзнувам ли големи количини на храна?
• Сакам ли паметни функции?
• Колку ми е важен изгледот?

На Ananas можете да најдете огромен избор на фрижидери во склоп на категоријата бела техника и најдобро од сѐ – имате ибзор меѓу различни спецификации, бројни брендови и цени, кои ви се на дофат со само неколку клика.

Не чекајте да ви се расипе фрижидерот пред да почнете да барате нов. Подгответе се на време и најдете го совршениот избор на Ananas - вашата кујна и вашите сметки за струја ќе ви бидат благодарни.