Машини за сушење алишта

Зошто да одберете сушара?

Ако имате користено сушара до сега, тогаш сигурно знаете дека облеката која ќе биде помината низ процесот на машинско сушење на алишта има сосема поинаков изглед, мирис и чувство. Тоа е една од причините зошто многу луѓе сакаат да ја сушат облеката на овој начин.

Веројатно поважната причина да се одлучите за некој од многуте модели на сушари е проблемот со сушење на облеката во зимските денови. Во Скопје, Тетово, Битола, но и другите градови низ земјата, загадувањето е екстремно. Кога ќе ги изнесете алиштата надвор, тие добиваат чуден и непријатен мирис бидејќи воздухот е презагаден. Кога ќе ги поминете низ машина за сушење, добивате сосема поинаков ефект.

Како да одберете машина за сушење на облеката?

Слично како и машините за перење на облеката, така и сушарите имаат одредени карактеристики кои треба да ги знаете пред да до го одберете идеалниот модел за вас. На нашата платформа имаме голем број на модели со различни перформанси, па треба да знаете што да барате пред да нарачате една за вашиот дом.

Една од главните работи на кои треба да обрнете внимание е потрошувачката на енергија, односно енергетската ефикасност на апаратот. Потоа погледнете ја бучавата која ја создава и колкав е капацитетот на облека кој може да го прими. Не земајте сушара која има помал капацитет од машината за перење.

Какви типови на сушари за алишта постојат?

На Ананас ги имаме сите типови на сушари кои постојат на пазарот - конвенционални, кондензациски и кондензациски кои работат со топлотна пумпа. Сите три имаат свои предности и негативности, па останува на купувачот да одлучи што е најдобро за него, семејството и целокупниот дом.

Конвенционални сушари се оние кои имаат инсталирано црево и целата вода од водената облека ја исфрлаат во канализацијата со помош на пумпа. Кондензациски се оние кои со помош на кондензација на водената пареа ја префрлаат водата во специјален канистер кој корисникот го чисти пред секое пуштање на машината.

Сушарите со топлотна пумпа се најсовремен и најсофистициран тип. Топлоната пумпа овозможува сушење дури и на пониски температури, овозможувајќи ѝ на облеката да се исуши без оштетувања, растегнувања или губење на својствата.