Водич за спортска исхрана: Што ти е потребно за подобри резултати 

Без разлика дали си нов во светот на фитнесот или имаш долгогодишно искуство во теретана, едно е сигурно — исхраната игра клучна улога во тоа како ќе изгледаш, како ќе се чувствуваш и какви резултати ќе постигнеш. Можеш да тренираш напорно, но ако телото не го добива тоа што му треба, резултатите ќе бидат ограничени. 

Доколку немаш големо искуство, не грижи се – ние сме тука да те запознаеме со најважните додатоци во спортската исхрана и ќе ти помогнеме да разбереш кој суплемент ти е потребен, зошто, и кога да го користиш. Од мускулна маса и енергија, до топење масти и побрзо опоравување — ќе ги покриеме сите работи што ти требаат за да напредуваш кон твојата фитнес цел, и кои можеш да ги најдеш брзо и лесно, на Ananas.  

Најважните додатоци во исхраната за мускули, енергија и форма 

Кога зборуваме за спортска исхрана, не мислиме само на месо или јајца. Современата исхрана за спортисти вклучува и додатоци кои ја поддржуваат твојата цел. Без разлика дали целта ти е зголемување на мускулна маса, зголемување на енергија, слабеење или брзо опоравување, ова се клучните сумплементи и додатоци во исхраната кои треба да ги знаеш.   

Протеини за градење мускулна маса 

Протеините се градбениот материјал на мускулите. Без доволно протеин, телото едноставно нема „суровина“ за да изгради ново ткиво. Ова е особено важно ако редовно тренираш со тежини. Најчесто се користи whey протеин, или протеин добиен од сурутка, бидејќи се вари брзо и телото лесно го апсорбира веднаш по тренинг. 

Замисли го протеинот како цигла – без циглите, не можеш да ја изградиш куќата. Истото важи и за твоите мускули. Значи, протеинот е основата, а на Ananas ќе најдеш широк избор на протеини за секој тип на тренинг и цел.

Креатин за сила и издржливост 

Ако некогаш си се прашувал како некои луѓе имаат експлозивна сила и успеваат да креваат повеќе, често пати тајната е во креатинот - природна супстанца што телото веќе ја создава, но во мали количини. Преку суплементи го зголемуваш нивото на креатин во мускулите, што резултира со поголема сила, побрза експлозија и подобра издржливост. Креатинот е еден од најистражуваните и најбезбедните додатоци. Особено е ефикасен ако тренираш со тежини, правиш спринтови или имаш било каков интензивен спортски ангажман.  

Гејнери за зголемување тежина 

Не секој има проблем со вишок килограми. Некои луѓе не можат да качат тежина, без разлика колку и да јадат. Ако си „hard gainer“, одношно имаш проблеми со накачување килажа, тогаш гејнерите се твоето тајно оружје. Гејнерите се комбинација од протеини и јаглехидрати со повисока калориска вредност. Идеални се по тренинг или како дополнителен оброк во денот. Замисли ги како нутритивна бомба што го снабдува телото со сè што му треба за да расте — енергија, мускул и маса. 

Аминокиселини и глутамини за опоравување 

По добар тренинг, телото влегува во состојба на микрооштетување. Иако звучи лошо, мускулите растат токму преку тие микрооштетувања. Но, за да се опорават и израснат посилни, им требаат аминокиселини и глутамин. Аминокиселините се како „брза помош“ за мускулите, додека глутаминот помага во намалување на мускулен замор, подобрување на имунитетот и побрз опоравок. 

Јаглехидрати за енергија 

Јаглехидратите се главен извор на енергија за телото. Без нив, ќе се чувствуваш уморно, безволно и ќе имаш слаб тренинг. Ако имаш интензивни тренинзи, особено ако вежбаш кардио или CrossFit, телото бара поголеми количини енергија — а тука влегуваат комплексните јаглени хидрати. Во форма на суплементи, често се користат малтодекстрин, восочна пченка или декстроза за брзо полнење со енергија пред или по тренинг. На Ananas има супер избор на јаглехидрати, така што ѕирни ја целата понуда и одбери го вистинското „гориво“ за твојот перформанс.

Согорувачи на масти за слабеење 

Ако целта ти е да се ослободиш од вишокот масни наслаги и да ја намалиш килажата, тогаш согорувачите на масти може да ти помогнат. Тие работат преку зголемување на термогенезата (температурата на телото), го супресираат односно намалуваат апетитот и ја зголемуваат енергијата за време на тренингот. Некои согорувачи содржат кафеин и други стимуланси, па ако си чувствителен на тие состојки, избери нешто поблаго. Разгледај ја целата понуда на Ananas и пронајди го твојот партнер во топењето на мастите. 

L-карнитин за топење масти 

За разлика од типичните согорувачи, L-карнитинот делува така што мастите во клетките ги претвора во енергија. Тоа значи дека не само што топиш масти, туку и добиваш енергија од нив! Особено е корисен кога вежбаш наутро на празен стомак или како поддршка во период на калориски дефицит.

Како да ја одбереш правилната спортска исхрана за твојата цел 

Кај додатоците во спортската исхрана важно е да знаеш дека не постои еден суплемент што одговара на сите. Одлуката за тоа кои додатоци ќе ги воведеш ќе произлезе од твоите потреби. На пример, сакаш да накачиш на мускулна маса? Тогаш, ти требаат протеини, гејнери и креатин. Ти треба повеќе енергија? Нарачај си јаглехидрати, креатин и  L-карнитин. Целиш кон слабеење? Тогаш најдобар избор се согорувачи, L-карнитин и протеини со малку калории. 

Спортската исхрана не е магично стапче, но може да биде вистинскиот поттик што ќе ти помогне да ја постигнеш целта побрзо и поефикасно. Важно е да бидеш информиран, доследен и трпелив. Одбери суплементи од Ananas што одговараат на твојот начин на живот, цели и буџет и запомни – телото го градиш и надвор од теретаната, со паметни одлуки за твојата исхрана и здравје.