Пијалоци

Широка палета на алкoхолни пијалоци во асортиманот на Ананас

Кај нас ќе најдете разновиден и врвен избор на алкохолни пијалоци од реномирани брендови. Располагаме со жестоки пијалоци, вина, коктели, сајдери и многу други пијалоци, кои одговараат на секоја пригода и вкус.

Истражете ја нашата богата колекција на вкусови од етаблирани брендови, кои го издржале тестот на времето. Кај нас ќе најдете одлична селекција на македонски и странски вина со уникатни и незаборавни вкусови.

Нема поубаво чувство од тоа да споделите шише вино со саканата личност за време на романтична вечера. Елеганцијата и софистицираноста на виното создаваат интимна атмосфера.

Одберете го совршениот пијалок за вашата важна пригода

Кај нас ќе најдете и шампањ, кој секогаш се отвора за прослави и радосни прилики. Доколку спремате свадба, роденден или матура, може да се опремите со шампањ од нашиот асортиман, а пукањето на плутата и веселото наздравување, со сигурност ќе ги развеселат присутните на вашата прослава.

Љубителите на силни и интензивни вкусови, со сигурност ќе уживаат во нашата селекција на виски. Уживателите на миксологијата, пак, кај нас ќе можат да се опремат со рум, џинови и сајдери со кои ќе ги подготвите најдобрите коктели. Доколку пак барате алкохол за луди забави и незаборавна атмосфера, нарачајте текила од нашиот асортиман или други пијалоци кои ќе одговараат на настанот.

Тематски забави и избор на пијалоци

Сакате да организирате забава која долго време ќе се памети? Тематска забава со посебен стил на облекување и посебна понуда на пијалоци, аперитиви и јадења, веднаш ќе ви помогне да организирате нешто што долго ќе се памети. Еве неколку предлози како да ја направите вашата следна прослава незаборавна:

Мексиканска фиеста

За жива и шарена атмосфера, организирајте мексиканска забава каде што во центарот на вниманието ќе бидат маргаритите. Просторот можете да го украсите со декорации инспирирани од мексиканската култура со шарени хартиени знаменца, цвеќиња и кактуси.

Земете шарени чаршафи, а гостите потикнете да облечат пончо, облека во живи бои или да се опремат со сомбреро. Во менито вклучете традиционални мексикански јадења како такоси, кесадиљи, гвакамоле или енчилади.

Рецепт за Маргарита

За да направите класична Маргарита, набавете чаши во форма на инка и натопете го работ на чаша за маргарита со парче лимета, а потоа во сол. Во шејкер за коктели, додајте 60 мл текила, 30 мл свеж сок од лимета, и 30 мл ликер од портокал (како Cointreau или Triple Sec). Додајте мраз и протресете добро околу 15-20 секунди. Процедете ја смесата во чаша наполнета со свеж мраз, украсете со парче лимета и послужете веднаш.

Летна тропска оаза

Летните забави на отворено долго се паметат, а со малку креативност, лесно ќе го претворите вашиот двор во мала тропска оаза. Во нашиот асортиман ќе најдете голема понуда на шарени лежалки, перничиња и големи чадори со кои веднаш ќе направите весела атмосфера.

Можете да поставите светилки и мали свеќички за амбиентот да биде интимен, а доколку имате многу цвеќиња и по некоја палма, лесно ќе создадете летен амбиент. Коктел кој е иделаен за послужување на овој тип на забава е Пина Колада, заради својот освежителен вкус.

Рецепт за Пина Колада

За Пина Колада ќе ви бидат потребни 120 мл. бел рум, 60 мл. кокосово млеко и 120 мл. сок од ананас. Додајте една чаша мраз и измешајте ги во блендер, додека не добиете мазна смеса. Истурете го пијалокот во чаша за коктел и украсете ја со неколку сламки, парче ананас и коктел чадорче.

Мезе викенд

За супер релаксиран викенд со пријателите, направете мала мезе забава. Најважните детали за оваа забава ќе бидат вкусното мезе и ракијата, а доколку и го поставите асталот со убав чаршав, по некој глинен сад и пуштите на звучници чалгии, веднаш ќе ја пренесете кафанската атмосфера во вашиот дом.

Послужете таратур, шопска салата, кашкавал, колбаси, маслинки и домашен леб и вашите гости со сигурност ќе бидат импресионирани.

Ракија

За вашиот мезе викенд, ви препорачуваме да го послужите македонскиот прочуен аперитив - лозова ракија, која во нашиот асортиман можете да ја нарачате во секој момент. Ако се соберете поголемо друштво, опремете се со повеќе шишиња и послужете разладено.

Детски роденден

Зошто да трошите огромни суми на пари по детски игротеки, кога можете сами да ја направите совршената детска забава во својот дом или во локалниот парк. Обезбедете ги сите сокчиња и пијалоци за возрасните кај нас и имајте прекрасен ден.

Сокови

Нарачајте од разновидната понуда на сокови од Ананас и бидете сигурни дека ниту едно дете нема да остане без сокче во рацете. Имаме и детски шампањи за оваа специјална прилика, која со сигурност ќе ги воодушеви гостите.

Обновете ја вашата колекција на жестоки пијалоци со изборот на Ананас

Добриот пијалок ги зближува луѓето и создава моменти на релаксација и уживање. Доколку ви се потребни пијалоци за вашата следна прослава, нема потреба да губите време барајќи ги по маркети - кај нас можете онлајн да нарачате вино, виски, пиво, џин, коктели, рум, шампањ, сајдери и многу други пијалоци.

Разгледајте ја понудата на Ананас, нарачајте и уживајте во аромата на добриот пијалок. Сите нарачани производи ќе ги доставиме каде сакате, а доколку нарачате преку Ананас+ клубот, доставата ќе пристигне веќе следниот ден.