Детски велосипеди

Какви типови на детски велосипеди постојат?

За разлика од машките и женските велосипеди, кои исто така ги имаме на нашата платформа, моделите на детски велосипеди се различни. Велосипедите за деца се помали и соодветствуваат на растот на децата, но исто така и се достапни во многу различни и разиграни бои, како и дизајни кои ќе ги направат децата среќни.

Детските велосипеди се разликуваат меѓусебно исто како и оние на возрасните, со тоа што се помали по величина. Има BMX, велосипеди за на планина, друмски и градски велосипеди, со повеќе брзини или со една брзина и така натаму.

Кај нас имаме разни типови, од популарните макс велосипеди, до трицикли за деца и точачиња за бебиња. Сите овие се соодветни за различни детски возрасти и намени, па пред да нарачате некој од нив, размислете што ќе биде погодно за вашите деца.

Балансери

Овој тип на детски велосипеди се смета за основен модел кој може да го користат и најмалите. Балансерите немаат педали, а се движат со помош на нозете на детето. Тоа им помага да одржуваат рамнотежа, односно баланс, од каде што доаѓа и самото име.

Класични градски велосипеди

Овој тип на велосипеди често може да се види на улиците, а особено е користен од девојките. Елегантни и практични, класичните градски велосипеди често имаат корпа и напред и одзади, во кои може да се стави ташничка, вода и слично.

Планински велосипеди

Иако не се направени за урбана примена, планинските велосипеди ги возат голем број дечиња по градските улици. Причината зошто се толку распространети лежи во дебелината на гумите, која придонесува за поголема стабилност и помалку повреди.

Друмски велосипеди

Наменети за деца во тинејџерските години, друмските велосипеди се користат за подолги релации и велосипедски трки. Овие модели имаат тенки гуми и лесен рам, што овозможува големи брзини.

BMX велосипеди

Супер-популарните BMX велосипеди се секогаш популарни. И денес, како и некогаш, многу деца возат BMX точаци кои нудат едно уникатно искуство, особено во велосипедските и скејт парковите низ градовите.

Како да одберете велосипед за вашите деца?

Првата и главна работа која мора да ја знаете кога бирате детски велосипед е величината на тркалата, односно целокупната величина на велосипедот. Сите точаци за деца се направени да соодветствуваат на нивните години, па може да одбирате и според нивните години.

Одберете ја величината на тркалата

Величината на тркалата универзално се обележува во инчи. Па така, најдобро е да одберете 12 инчи за деца од две до четири години, 14 од три до пет години, 16 од пет до осум години, 20 од шест до 10 години и 24 инчи за деца од осум до дванаесет години. Како што може да забележите, величините не се фиксни бидејќи и не сите деца растат еднакво брзо.

Систем за сопирање и менување брзини

Начинот на сопирање и менување на брзините е уште една работа на која треба да обрнете внимание. Децата до шест години, кои сè уште ја немаат совладано техниката на кочење со прстите, ќе уживаат во „контра“ технологијата на кочење, односно со помош на педалите. Менувачот на брзини е исто така важен, бидејќи децата потешко менуваат брзини, па одберете соодветна технологија за нив.

Помошни тркала и дополнителна опрема

На крајот, одберете велосипед со помошни тркала за оние дечиња кои сè уште не научиле да одржуваат рамнотежа. Тие ќе уживаат во безгрижноста знаејќи дека нема да паднат, но за да бидете и вие безгрижни, нарачајте дополнителна опрема за велосипеди, односно кацига, штитници и друго.

Одберете бренд на кој му верувате

Кога одбирате велосипед за дете, никогаш немојте да правите компромиси и да одберете велосипед со лош квалитет. Разбирливо е дека никој не сака да плати прескапа сума за кој било производ, но кога се работи за нашите деца, секогаш мора да обезбедиме максимален квалитет и да бидеме сигурни дека го подаруваме најдоброто што постои.

Голем број детски велосипеди имаат ниски цени бидејќи материјалите кои се употребени се неквалитетни. Како што напоменавме погоре, внимателно погледнете ги елементите кои се употребени во составувањето на велосипедот и одберете брендови кои се добро познати на пазарот.

На пример, сопирачките мора да се направени од квалитетна гума која ќе обезбеди брзо запирање на велосипедот, додека менувачот на брзини мора да работи беспрекорно. Shimano менувачите се докажани на пазарот, но не сите брендови го нудат истиот квалитет како нив.

Рамот и тркалата се вообичаено направени од челик и алуминиум, но и многу пластични парчиња. Внимавајте тие да бидат од одличен квалитет, бидејќи детската палавост буквално може да ги преполови.

Прекрасни модели на велосипеди за девојчиња и момчиња

На Ананас имаме прекрасни модели на велосипеди, како за девојчиња, така и за момчиња, но и повеќе унисекс точаци кои ќе одговараат за секого. Иако не е правило, девојчињата повеќе уживаат во елегантни розеви велосипеди со ленти во сите бои и корпа напред и назад.

Момчињата сакаат поедноставен изглед, но за да бидете сигурни дека ќе уживаат во подарокот, најдобро е да ги прашате што би сакале да возат пред да нарачате. Откако ќе нарачате, почекајте нашите доставувачи да го донесат пакетот до адресата која ќе ја побарате.